Abantu abadilizelwe izindlu yikhansili yeChitungwiza ngeviki edluleyo isithi bakhe endaweni ezingaphandle komthetho babikwa sebethwele nzima ngoba bengasela ndawo zokuhlala.
Inhlanganiso yezakhamizi eyeChitungwiza and Manyame Rural Residents Association ithi umasipala wadiliza izindlu ezedlula amatshumi amathathu ngemva kokulaywa nguhulumende.
Ngokunjalo, uthi abantu ababehlala kulezizindlu sebebhanxele ezihlobeni lakubangane.
Umthethwandaba weHigh Court yiwo omise ikhansili ukuqhubeka ngaloluhlelo ngemva kokucelwa ngamagqwetha eZimbabwe Human Rights NGO Forum emele izakhamizi.
Isiphathamandla senhlanganiso yeChitungwiza and Manyame Rural Residents Association uMnu Marvellous Khumalo utshele iStudio 7 ukuthi okudanisayo yikuthi ezinye izakhamizi zilamaphepha atshengisa ukuthi aphiwa izitanda zokwakhela izindlu lezi nguye umasipala.