amalinks wokungena

Breaking News

Abafundi Babuyiselwa Emakhaya Ngenxa Yokuswelakala Kwamanzi Kwezinye Izikolo Emaphandleni


Imbiko esiyitholileyo iveza ukuthi abazali besikolo semfundo yaphansi balomlandu wokudinga amanzi bawase esikolo ukuze abantwababo bageze izandla, kodwa abasakwenelisanga lokho.

Kulandela ukuvulwa kwezikolo ngoMvulo, inengi labantwana emaphandleni lithi alifundanga ngoba libuyiselwe emakhaya ngenxa yokusilela kwamanzi okusebenzisa njalo labanye ababalisi bebengekho emsebenzini.

Izikolo ezibalisa eseGarenyamba ngezinye zezikolo eZansi yemaNdebeleni ezibhekane lodubo lokusilela kwamanzi okudale ukuthi zingavulwa ngoMvulo lapho abafundi bebuyela esikolo.

Imbiko esiyitholileyo iveza ukuthi abazali besikolo semfundo yaphansi balomlandu wokudinga amanzi bawase esikolo ukuze abantwababo bageze izandla, kodwa abasakwenelisanga lokho.

UKhansila walindawo uMnu. Miclas Ndlovu uthi lukhulu udubo lwamanzi esigabeni sabo.

UMnu. Zwelithini Gabula oyisakhamuzi seSitezi uthi kubeliphutha ukuthi izikolo zivulwe ilizwe livaliwe nge lockdown, yokwenqabela ukumemetheka komkhuhlane weCOVID 19.

Ngaphandle kokuswelakala kwamanzi ababalisi bebengekho emsebenzini, okubangele ukuthi abafundi bayeqhuba isikhathi nje, kutsho uMnu Graidom Phiri oweMatobo.

Amazwi la asekelwe yisakhamuzi sakoGodlwayo uMnu. Ntando Ndlela yena othi abanye abafundi abayanga esikolo ngenxa yezizatho ezitshiyeneyo.

UMqondisi wenhlanganiso elwela amalungelo abesifazana lamantombazana eyeWomen Development Association of Zimbabwe uNkosikazi Juliet Nkiwane uthi ufisa ababalisi babelonembeza bafundise.

UMnu. Taungana Ndoro oyisikhulumeli kugatsha lwezemfundo uthi inengi lababalisi likhangelelwe ukuthi libuyele ezikolo ngoMvulo lapho sekuvula bonke abafundi.

Kodwa umqondisi wenhlanganiso yababalisi eyeProgressive Teacher’s Union of Zimbabwe uMnu. Vusumuzi Mahlangu uthi ababalisi abayindawo ngoba bengelayo imali.

Abafundi basalele emuva ezifundweni zabo kulandela ukuvalwa kwelizwe okwelockdown ukuze kwenqatshelwe ukumemetheka komkhuhlane weCovid 19, okungabangela ukuthi bengaqhubi kuhle kumhloliso yabo lonyaka njengalokho okwenzakale nyakenye.

please wait
Embed

No media source currently available

0:00 0:05:05 0:00


Facebook Forum

XS
SM
MD
LG