amalinks wokungena

Breaking News

Abafundi Basengozini Yokuthelelwa Igciwane leCoronavirus Ngokuvulwa Kwezikolo


Abafundi beGwanda ekuvulweni kwezikolo

Inengi labafundi baseGwanda belisephula isiqondiso sokuvikela ukumemetheka kwegciwane leCoronavirus , esokungasondelelani duzane laduzane eseSocial Distancing ekuvulweni kwezikolo lamhlanje.

Ukukhalala umsebenzi kwababalisi kudale ukuba abafundi bazenzele santando ezikolo okubafaka engozini yokubamba leligciwane.

Umfundi wesikolo seGwanda Government Secondary ehlola abanye ukutshisa kwemzimba yabanye bakhe, ababalisi bebengekho esikolo
Umfundi wesikolo seGwanda Government Secondary ehlola abanye ukutshisa kwemzimba yabanye bakhe, ababalisi bebengekho esikolo
Abafundi abanengi babonakale besiya ezikolo bephethe ama mask ezandleni kuthi lapho befika ezikolo bebegijimelana, bedumelana, bejabulelani bengagqize qhakala ukuvikela ukuthelelwa iCovdi 19.

Esikolweni sikahulumende eseGwanda Government Secondary abafundi bebehlolwa ukutshisa komzimba ngomunye wabo.

Abafundi beGwanda ekuvulweni kwezikolo begcwele egedini beme duzane laduzane
Abafundi beGwanda ekuvulweni kwezikolo begcwele egedini beme duzane laduzane
EGwanda High khona bekuphithizela abafundi begcwele egedini lesikolo kungela obayamukelayo ngoba ababalisi bekhalale umsebenzi bekhonona ngeholo labo. Abafundi bebebonakala bebuthene bezixoxela bengagqokanga amamask wokuzivikela.
Umzali uMnu. John Magutshwa ukhuthaza uhulumende ukubana engeze iholo lababalisi ukuze babuyele emsebenzini.
“Nxa sisiya siyakhangela sisiya eqinisweni ababalisi kabalayo imali , kubuhlungu kubabalisi kubuhlungu lakithi ukuthi uhulumende nga uyabanceda abanike khonokho okuyimali ukuthi bazuze ukunceda abantwababo bafundise abantwababo ukwenzela ukuthi bafundise abantwabethu bekhululekile ngokuthi nxa benganikwanga inzuzo bengaze behambe esikolo abasoze bafundisa abantwabethu bekhululekile.”
Kuthe kutshaya ihola letshumi nengi labafundi beselibuyelela emakhaya sebebone ukuthi akula ncedo ukuqhubeka besesikolo.
Unobhala jikelele wenhlanganiso yababalisi eyeZimbabwe Teacher's Association Mnu. Tapson Nganunu Sibanda uxwayise abazali ukuthi bengafaki abantwababo engozini.
“Ubunengi babalisi phose obungafika 80% abazange babekhona ezikolo lamhlanje siyakhuthaza ukuthi abantwana bengaze bahamaba bodwa ezikolo ngoba lakho sekungamemethekisa lowu mkhuhlane aluba abantwana behlangana bebodwa yikho siyakhuthaza kakhulu kubazali ukuthi bambani abantwana lizabuya ithuba lokuthi abantwana bahambe ezikolo, kuzalungisiswa , zizavulwa ngalesosikhathi sokulungile okulungayo.”
Obona ngokukhitshwa kwembiko kugatsha lwezemfundo yaphansi uMnu Taungana Ndoro kaphendulanga imibuzo ngaloludaba kuthi ucingo lomsekeli wogatsha lwezemfundo uMnu Edgar Moyo belungangeni.
Ababalisi bathi sebephenduke inhlekisa ngenxa yeholo eliphansi abalitholayo, kungakho bafuna likhuphulwe liye kumakhulu amahlanu lamatshumi amabili amandola eMelika-US$520 ngenyanga.

Facebook Forum

XS
SM
MD
LG