amalinks wokungena

Breaking News

Abafundi Lababalisi Bakhathazekile Ngokuvulwa Kwezikolo NgoLwezi


Abohlangothi olubona ngezempilakahle enhlanganisweni yomanyano wamazwe womhlaba olweWorld Health Organization-WHO, bathi amazwe awezwekazi leAfrica akhululekile ukuthi avule izikolo, lanxa amazwe womhlaba esalwisana leCovid-19. Kodwa abeWHO, bakhuthaza ukulandelwa kweziqondiso zokuvikela ukuthelelanwa kwaleli gcikwane andubana izikolo zivulwe.

Ngeviki edluleyo, umpathintambo wezokwethulwa kwemibiko, uNkosikazi Monica Mutsvangwa, ubike ukuba izikolo zizavulwa ngoLwezi ukuze abafundi ababhala imihloliso lonyaka benelise ukwenza njalo.

Lokhu kutshiye abafundi lababalisi bekhathazekile besithi izikolo zeZimbabwe azikalungeli ukuvikela abantwana lababalisi ukuthelelana iCovid-19, kulandelwa izinqondiso zeWHO, njalo abafundi abalasikhathi esiyeneleyo, sokulungiselela imihloliso kaLwezi.

Isikhulumeli senhlanganiso yabafundi bemakolitshini eyeZimbabwe National Students Union-ZINASU, uMnu. Jingani Shoko utshele umsakazo weStudio7 ukuthi njengenhlanganiso babona kuqhakathekile ukuthi abafundi bathole ithuba lokubhala imihloliso yabo, kodwa uhulumende kumele ananzelele ukuthi izikolo azikalungiseleli ukuvikela abantwana lababalisi ukuthelelana umkhuhlane weCOVID-19.

Isikhulumeli senhlanganiso yeZINASU, uMnu.Jingani Shoko
Isikhulumeli senhlanganiso yeZINASU, uMnu.Jingani Shoko

“Kubalulekile kakhulu ukuthi abafundi bayenelise ukuthi bekwanise ukubhala imihloliso yabo kodwa into enzima, abafundi abazange beyenelise ukuqheda isyllabus yabo. Kumele uhulumende aphumele egcekeni achasise ukuthi bazakwanisa ukubhalisa njani imihloliso leyi njengoba abafundi bengaqhedanga isyllabus yabo,” kutsho uShoko.

Ingxoxo esiyenze loJingani Shoko
please wait

No media source currently available

0:00 0:03:38 0:00


Facebook Forum

XS
SM
MD
LG