amalinks wokungena

Breaking News

Abahlala eBotswana Bathi Kuzakubanzima Ukuyato eZimbabwe Ngoba Kuyabe KungoMvulo


Umngcele wele Botswana

AbeZimbabwe abaseBotswana bathi badaniswe kakhulu ngesinqumo somthethwandaba sokuthi kawusoke uvumele abantu ukuthi bavote bephandle kwelizwe, besithi kuzabanzima ukuthi bayekhaya ukuyavota ngelanga eselibekiwe elamhlaka 30 kuNtulikazi.

Ngelanga linye kuphume ukuthi abaphandle kwelizwe abasoke bethole ithuba lokuvota besemazweni lapho abahlala khona.

Lokhu sekudanise abanye abaseBotswana abathi bona basekudeni, ngakho abasoke benelise ukulubhekisa ekhaya ukuyavota, bekhala langendleko zokuhamba.

Umnunzana Collen Dumani Mlalazi uthi mhlawumbe uhulumende ulokhe elovalo lokuthi inengi elingaphandle kwelizwe ngabasekeli bamabandla aphikisayo yikho kuvalwe iDiaspora Vote…

“Lababantu bayafana. Ngohulumende abafana lohulumende kaMugabe, bayakwazi ukuthi abantu abaphume phandle kwelizwe baphume ngocuku lwabo njalo bayakwazi ukuthi abantu abasoke babavotele,” kutsho uMlalazi.

Umnunzana Dumisani Ncube uthi njengoba umthethwandaba usuvalile ukuthi abaphandle bevote besemazweni, kuzaba nzima ukuthi benelise ukuya ekhaya mhlaka 30 Ntulikazi…

“Kuzabanzima ukuya ekhaya ngoba abanye ngaba balisi njalo izikolo ziyabe zingakavalwa, okukuthi ngabe besezivaliwe, abanye kade beza kwenelisa ukuhamba bayevota. Kulendaba yendleko zenhambo ngakho siyadana ukuthi bayalile ukuthi sivote singaphandle, kutsho uNcube.

Abasemadolobheni afana le Gaborone, kuzamele batshone eskhwameni bakhoke amaPula edlula inkulungwane -P1,000 yokugada uma befuna ukuhamba ukuyavota ekhaya.

Unkosazana Sipho Dube, uthi akukho abangakwenza njengoba ilanga selibekiwe, labo abazakwenelisa bezahamba kukanti abanye bazakwehluleka…

“Akula okunengi okungenziwa ngelanga eselibekiwe. Abanye bazahamba ngoba kade bevele bezahamba. Kwabanye kuzabanzima ikakhulu sikhangele indleko yikho abantu babekhala ngokuthi bavote besemazweni abahlala kuwo, kutsho,” uDube.

EleZimbabwe alikaze livumele abasemazweni ukuthi bavote noma nje kulezigidi lezigidi ezisemazweni agoqela I Australia, Botswana, New Zealand, South Africa, United Kingdom, United States, Canada lamanye.

Inengi njalo alenelisanga ukuloba amagama kuluhlu lwalabo asethole ilungelo lokuvota ngenxa yokuba khatshana lekhaya.

please wait

No media source currently available

0:00 0:01:57 0:00

Facebook Forum

XS
SM
MD
LG