amalinks wokungena

Breaking News

Abahlali bakoBulawayo Bathi Amabhasi Lamakhombi eZUPCO Awasatholakali


Abahlali bakoBulawayo bathi bathwale nzima ngoLwesihlanu lngoMgqibelo ngenxa yokuswela amabhasi kanye lamakhombi enkampani ye ZUPCO aya edolobheni, okubangele ukuthi inengi lihambe imango emide ngenyawo.

Abahlali bakoBulawayo bathi bathwale nzima ngoLwesihlanu lngoMgqibelo ngenxa yokuswela amabhasi kanye lamakhombi enkampani ye ZUPCO aya edolobheni, okubangele ukuthi inengi lihambe imango emide ngenyawo.

UMnu. Atlas Moyo ongumqondisi wenhlanganiso yezimota zokuhambisa eyeTshova Mubayiwa uthi uzwa ubuhlungu uma izakhamizi ziswelwa imota zokugada.

Uthe lanxa amafutha ezimota engatholakali emagalajini bona bebesenza icebo lokuba bathenge ezitaladeni ukuze uzulu athole imota zokugada.

UMnumzana Lindani Dawu umhlali wakoBulawayo uthi kungcono uhulumende avumele abanye abasebenza ukuthwala abantu ukwenzela ukuthi isimo lesi sibe ngcono.

Amagalai amanengi kanye lalapho amabhasi enkampani yeZUPCO anatha khona amafutha abewome qha, okusuke kwabangela ukusilela kwezimota.

Uhulumende wathi amabhasi kanye lama kombi e ZUPCO yiwo wodwa okufanele athwale abantu ngesikhathi lapho ilizwe livaliwe ngohlelo lweLockdown olokwenqabela ukumemetheka kwegcikwaNe leCOVID 19.

Imigoqo yeLockdown ithe isiyekethiswa, inhlanganiso ezizimeleyo ezama khombi kazizange ziphiwe imvumo yokuthwala abantu kodwa uhulumende wathi zingene ngaphansi kwenkampani ye ZUPCO.

Lokhu sokufake inengi labantu engozini yokuthola umkhuhlane we Corona omemetheka kalula lapho abantu beminyene, ngoba kundwendwe zama bhasi inengi kalinaki ukuba lingaminyani.

please wait

No media source currently available

0:00 0:05:20 0:00


Facebook Forum

XS
SM
MD
LG