amalinks wokungena

Breaking News

Abahlatshwe Ijekiseni yeCovid-19 eMelika Sokumele Bagqoke Ama-mask Emphakathini


A woman wears a mask against the coronavirus disease (COVID-19), following the CDC recommendation that fully vaccinated Americans wear masks as the highly transmissible Delta variant has led to a surge in infections, as she enters the Disney Store in Time

Ugatsha olubona ngezempilakahle emelika olweCenters for Disease Control and Prevention solwethule iziqondiso ezintsha ezijonge ukwenqabela ukumemetheka komkhuhlane weCovid-9, wona osusidla ubhedu kulezinsuku.

Lolugatsha luthi abantu asebahlatshwa ijekiseni yokuvikela lumkhuhlane abahlala ezigabeni zelizwe ezihlaselwe kakhulu yi-coronavirus sokumele baqgoke ama-mask nxa besezindlini kumbe besendaweni ezivalekileyo lapho lumkhuhlane ongathelelwana khona lula.

Izigaba ezihlaselwe kakhulu yilumkhuhlane - wona ophehlwa ngumkhakha obizwa ngokuthi yiDelta kulezinsuku - zigoqela iTexas leFlorida.

Ngenyanga edluleyo iCDC yethula isiqondiso esasisithi akuselasidingo sokuthi abantu abahlatshiweyo bagqoke ama-mask emphakathini.

Kodwa ithi isiguqule ingqondo ngenxa yokukhwela kwababanjwa yilumkhuhlane, inengi labo kuyilabo abalokhe bengakahlatshwa.

Isizalwane seZimbabwe esihlala eOhio, eMelika, uMnu Tim Muringai utshele iStudio 7 ukuthi abantu kumele bahlatshwe ngobunengi ukuze wehlulwe lumkhuhlane.

please wait

No media source currently available

0:00 0:02:53 0:00

Facebook Forum

XS
SM
MD
LG