WASHINGTON DC —
Abantu abane ababotshwa besetheswa icala lokuhoza umka mongameli, uNkosikazi Grace Mugabe, enkundleni yeWhite City Stadium bamiswe emthethwandaba ngoLwesithathu.
Abane laba, bathiwa babekhokhelwa ngumgcinisihlalo wabatsha ko Bulawayo, uMnu. Magura Charumbira, obikwa engaziwa ukuthi ungaphi amapholisa emlonda.
Abane laba abangabesilisa abathathu lowesifazane oyedwa babikwa baqala ukuhoza uNkosikazi Mugabe lapho esithi umphathintambo wezemfundo yaphezulu, uMnu. Jonathan Moyo, kalacala alenzayo ngokutshaphaza imali ysikhwama se Zimbabwe Manpower Development Fund.
Umtshutshisi walile ukuthi bephiwe ithuba lokuhlawula imali yesibambiso sebail esithi balakho ukubaleka njengalokho okwenziwa ngumkhokheli wabo, uMnu. Charumbira.