amalinks wokungena

Breaking News

Abakhukhulelwe Imizi Lizulu eWuwana Badinga Uncedo


Abawelwe luhlupho lwezulu elina kakhulu

Izakhamizi ezikhukhulelwe imizi lizulu eline ngempeleviki ePlumtree, esigabeni seWuwana zithi ziyafa ngendlala njalo zidinga indawo zokuhlala.

Izulu leli libikwa lidilize imizi edlula amatshumi amabili kulesi sigaba. Libangele njalo umonakalo omkhulu endaweni zelizwe ezitshiyeneyo.

Abawelwe ludubo lokuna kwezulu elinengi kakhulu lesikhukhula
Abawelwe ludubo lokuna kwezulu elinengi kakhulu lesikhukhula

Izakhamizi zeWuwana zithi njengoba zilahlekelwe yimpahla yonke, okugoqela amabele eziphaleni, bezikhangelele ukuthi uhulumende aziphathise ngokudla lezinye indingeko ezifana lengubo.

Kodwa zithi iziphathamandla zikahulumende zibuye ngoMvulo zazipha amafutha okupheka kuphela.

Omunye wezakhamizi lezi odilikelwe yizindlu ezinhlanu lesiphala, uNkosikazi Kage Nyathi utshele iStudio 7 ukuthi badinga uncedo lwesiphangiphangi.

“Akulalutho esilutholileyo kuhulumende ngaphandle kwamafutha okupheka kuphela,” kutsho uNkosikazi Nyathi.

“Ngakho sicela uncedo lokudla ndoba iziphala zidilikile, asisela kudla njalo labantwabethu kabasayi esikolo.”

XS
SM
MD
LG