amalinks wokungena

Breaking News

Abalandeli beBosso Bathi Halala Gumede


Highlanders FC President Ndumiso Gumede Initiative
Imuli yeqembu lenguqu ele Highlanders namhlanje iqhube umcimbi wokubonga ophathe izikhundla ezehlukeneyo zobuqondisi kuleliqembu lakwezinye inhlanganiso, uNdumiso Gumede ngomsebenzi awenzele umdlalo wenguqu empilweni yakhe.
Ekhuluma ekupheleni komcimbi lo oqhutshelwe eClubhouse ye Highlanders, koBulawayo uGumede uthe akalawo amazwi awokubonga akwenzelwe ngabalandeli beqembu le Highlanders.
“Angilankani. Angilankani ukuthi ngithi ngisaphila abantu bakubone kukuhle ukuthi bathi nangu umuntu owake wasikhokhela. Engakatshoni asimenzeleni okulidili siphinde siqoqe okuzimadlanyana simuphe.
Kumbe uyathengani, kumbe uyathenga okuyisikali ayelima ekhaya, kukuye. Hayi, kuhle,” kutsho uGumede.
U-Ndumiso Gumede lababedlalela iHighlanders kudala
U-Ndumiso Gumede lababedlalela iHighlanders kudala

Obemele abadlali ababedlalela iqembu le Highlanders asebathatha umhlala phansi uNetsai Moyo utshele uzulu obethe gwaqa kulumkhosi ukuba uGumede ubaphucule kakhulu ngesikhathi engumgcinisihlalo weqembu le Highlanders.
“Ngimele abanye abadlali ngithanda ukuthi ngithi mina njengabadlali sicela ukumbonga ngakho konke asenezela khona ngoba njengabadlali wasitshiya sikwelinye ibanga eliphezulu.
Siyakwazi ukuthi thina sisadlala kwakungelamali eyengaphi kodwa imvuzo ayesilungisela yona yayimangalisa kakhulu.” Kutsho uMoyo.
Umsekeli kasodolobho wako Bulawayo uMlandu Ncube yena ukhuthaze abasakhulayo ukuba belandele isibonelo esenziwe ngu Gumede esokusebenzela umphakathi.
“Lokhu kuhle kakhulu njalo kukhathaza abantu bako Bulawayo ukuba siboyazisana sisaphila ukuze abazayo abancane babe kwazi ukuthi ukusebenzela isizwe kuqakatheke kangakanani.
Simfisela inhlanhla aqhubekele phambili esebenzela iHighlanders, esebenzela uBulawayo kanye lesizwe jikelele. Kwabancane ngithi aliboke lifunde ukuthi kumele lifunde ukusebenzela isizwe kungelambhadalo,” kutsho uNcube.
Umkhosi wokubonga uGumede ngokusebenzela akwenze iqembu le Highlanders uqoqwe ngabalandeli baleliqembu abakumagumbi amane omhlaba.
Iqembu le Highlanders lithole iclubhouse lapho okuqhutshelwe khona umcimbi wanamhla, ihofisi kanye lendlu eseLuveve eyokuhlala nxa iqembu lilungiselela imidlalo ngesikhathi uGumede engumgcinisihlalo weqembu.
Utshilo kodwa wathi lokhu kwenzakala ngoba esebenzisana kuhle labanye ayelabo bezinkokheli zeqembu.
Osaziwayo abakade bekhona emcimbini wanamhlanje ngababalisa uTshinga Dube obenguye umhlonitshwa kanye labadlali labaqeqetshi abalodumo ababalisa uGibson Homela, uBenjani Mwaruwari, uHarlington Shereni, uMadinda Ndlovu kanye labanye.
Ezemidlalo siziphiwa nguJoseph Njanji
please wait

No media source currently available

0:00 0:02:27 0:00

Facebook Forum

XS
SM
MD
LG