amalinks wokungena

Breaking News

Abalimi: Uhulumende Kaphange Athathe Amanyathelo Okulungisisa Ezokulima


Umhlangano wabalimi labafuyayo eHarare mhlaka 23Nhlolanja 2016.

Abalimi labafuyayo bakhuthaza uhulumende ukuba engenele ngesiphangiphangi ephathise ukuvikela ukulahlekelwa yizifuyo kwelizwe esezitshabalala ngenxa yokungani kuhle kwezulu ngokwehlisa imithelo lokumiswa kokuthengiswa kokudla kwezifuyo phandle kwelizwe.

Umhlangano wabalimi eHarare
Umhlangano wabalimi eHarare

Emhlanganweni abawenzele eHarare ngoLwesibili ngenhloso yokuphuma lamacebo okwehlisa inhlupho zokuhlaselwa komhlambi welizwe inhlanganiso zabalimi ezigoqela eye Commercial Farmers Union, Zimbabwe Farmers Union leye Zimbabwe Commercial Farmers Union zikhuthaze uhulumende ukuba esule imithelo ekudleni kwezifuyo aphinde avale ukuthengiswa kokudla okufana le mollasses phandle kwelizwe.

Omunye wabalimi abafuyayo eZimbabwe
Omunye wabalimi abafuyayo eZimbabwe

Umnumzana Abdull Nyathi umongameli womanyano wenhlanganiso zonke zabalimi, eye Joint Farmers Union Presidents Council of Zimbabwe uthi umumo usudinga ukuba abenelisayo bethengise ezinye inkomo zabo ukuze belondoloze ezinye.

Umnumzana Ndlovu ongumlimi ofuyayo emangweni weBeit-Bridge uthi abalimi babhekana lobunzima obubangelwa yikutshisa osokudlulisa amalawulo enzansi yakwele Mandebeleni.

Umnumzana Admire Ngandure osebenzela ugatsha lokulondolozwa kwezifuyo kuhulumende utshele lumhlangano ukuba ilizwe selilahlekelwe zinkomo ezingaba zinkulungwane ezedlula amatshumi amabili-22 208 zibulawa yikoma lokusilela kwamadlelo kuhlaselwe kakhulu indawo ezifana le Mwenezi, Chiredzi le Chibi kusiya eTsholotsho, Lupane le Matobo ethi nxa umumo ungala ulokhe unje kungela zulu kuba lomonakalo omubi kakhulu.

Abanye babalimi abakade besemhlanganweni waseHarare
Abanye babalimi abakade besemhlanganweni waseHarare

UNyathi uthi bafuna ukuba kube losizo njalo ujabula ngokuba uhulumende ukhanya ezinikele ukusebenzelana labo.

Ukhuthaze uhulumende ukuba ngaphandle kokwehlisa imithelo ngesikhathi sokoma kanje evumeze abalimi ukuzithengela ukudla kwenkomo okufana leBran ngaphandle kwelizwe lokuba abamabhanga labanikeza izikwelede bemukele inkomo njengesibambiso sokutholisa abalimi izikwelede ekhuthaza abalimi ukuba behlise inani lezifuyo zabo njalo befuye izifuyo ezeZimbabwe ezifana le Thuli le Mashona ezilakho ukudonsa noma kulokoma.

Umsekeli kampathintamb wezokulima umnumzana Paddy Zhanda exoxa labalimi
Umsekeli kampathintamb wezokulima umnumzana Paddy Zhanda exoxa labalimi

Umsekeli kampathintambo kamongameli wezokulima ebona ngezezifuyo umnumzana Paddy Zhanda uthembise abalimi ukuba uzadlulisela phambili izikhalazo zabo ethi kuyinto eqakathekileyo ukuba imithelo yeDuty ekudleni kwenkomo yehliswe ngezikhathi ezinje.

Ele Zimbabwe libhekana lokoma okwesabekayo osokubangele lendlala edinga ukuba abantu abafika phose kuzigidi ezintathu bedinge usizo lokudla izifuyo lazo sezizifa ngobunengi bazo kuzabelo phose zonke zelizwe.

Uhulumende uthi udinga imali edlula i-billion lamadollar yokuthengela ngayo abantu ukudla.

Udaba lomhlangano wabalimi labafuyayo owenzelwe eHarare
please wait

No media source currently available

0:00 0:03:59 0:00
Lapho esitholakala khona

XS
SM
MD
LG