amalinks wokungena

Breaking News

EGwanda Kunanzwe Usuku Lwamaqhawe Kulokukhonona Kwabantwana Bamaqhawe eButho leZipra Ngokungaphathwa Kahle


AbeGwanda benanza ilanga lamaqhawe eleHeroes Day

Imuli zamaqhawe alwela inkululeko yelizwe leZimbabwe bezithe gwaqa ngoMvulo lapho okubekwa khona amaqhawe edolobheni leGwanda.

Edolobheni leGwanda, imuli zamaqhawe alwela inkululeko yelizwe leZimbabwe, ikakhulu lawo atshonayo, ngoMvulo zibuthene lapho okubekwa khona amaqhawe zikhumbula abazinikela impilo yabo ukukhulula ilizwe.

Kunanzwa ilanga lamaqhawe ele Heroes Day, eGwanda
Kunanzwa ilanga lamaqhawe ele Heroes Day, eGwanda

Izihlobo zamaqhawe ziveze ukujabulela lelilanga laloba zilokukhonona ngendlela uhulumende abaphatha ngayo.

UMnu Tamuka Mangena umntwana weqhawe uMnu. Nephat Mangena uthi lamhlanje bebenanza imisebenzi kayise esithi kungayisuye labanye bakhe ngabe akulakukhululeka elizweni.

“Uhulumende laye akhangele abantwana bama war veterans bengabi zintandane kuzekukhanye ngoba uhulumende nguye osengumama kumele abone ukuthi abantwa bayahamba esikolo, bayadla, bayagqoka bathola lezimota zokuyabona ogogo emakhaya nxa kuvuma , so ngamafitshane ngithi hulumende khangela abalwa impi yenkululeko, abafelokazi babo lalabo abasele bekhangele intandane zonke le Social Welfare inikezwe imali eyeneleyo ukuze incedise abaswelayo.”

Kunanzwa ilanga lamaqhawe ele Heroes Day, eGwanda
Kunanzwa ilanga lamaqhawe ele Heroes Day, eGwanda

UMnu Austin Vodloza Sibanda ngomunye wabalwa impi yenkululeko ekubutho leZipra.Uthi laloba benanza lelilanga ulokukhathazeka ngabanye bakhe abalokhu bengakabekwa ngokufaneleyo.

“Lelilanga lamaqhawe lamhlanje akusilona ilanga okumele lithathwe lula , lilanga eliqondileyo lilanga elihle kodwa liliphutha lelilanga ngoba amanye amaqhawe sesithethe ilizwe alandelwa yiZanu abulawelwa egangeni afihlwa egangeni pho nxa sesijabulela ukuthi amaqhawe asebenza into enhle ngokukhulula ilizwe laba abafihliweyo embalwini bazajabula nini.”

Umphathintambo obona ngezenzakala eZansi yemaNdebeleni uMnu Abedinico Ncube ubeka amaluba ethuneni lomkakhe uNkosikazi Tracy Ncube labantwabakhe
Umphathintambo obona ngezenzakala eZansi yemaNdebeleni uMnu Abedinico Ncube ubeka amaluba ethuneni lomkakhe uNkosikazi Tracy Ncube labantwabakhe

Esethula umbiko kaMongameli Emmerson Mnangagwa , umphathintambo obona ngezenzakala eZansi yemaNdebeleni uMnu Abedinico Ncube uthe uhulumende uzimisele ukuthuthukisa impilo yabalwa impi yenkululeko.

Emazwini ache uMongameli Mnangagwa ubonge uzulu ngokubekezela kwakhe ngalesisikhathi ebhekane lobunzima bokuqonga kwentengo esithi uhulumende wakhe usebenza gadalala ukulungisa umnotho welizwe.

Inengi lezakhamizi zalelidolobho kazizange zizihluphe ngokuyananza lolusuka njalo umkhokheli wabalwa impi yenkululeko eZansi yemaNdebeleni uMnu Section Ncube uthi kuyadingeka ukuthi uzulu afundiswe ngokuqakatheka kwamalanga afana lala.

Udaba lokunanzwa kwelanga lamaqhawe eGwanda siluphiwa nguAlbert Ncube
please wait

No media source currently available

0:00 0:02:58 0:00

Facebook Forum

XS
SM
MD
LG