amalinks wokungena

Breaking News

Abalwela Amalungelo Oluntu Bakhuthaza Uhulumende Lamapholisa Ukuthi Bahloniphe Ilungelo Loluntu


Embikweni kamphathintambo wezobudlelwano beZimbabwe lamanye amazwe, uMnu. Sibusiso Moyo, ophathelane lezamalungelo abesifazana elizweni, uthinte udaba lokuhlukunyezwa kwabasakhulayo beMDC Alliance, oNkosazana Joanna Mamombe, Cecilia Chimbiri, Netsai Marova lezakhamizi zakoBulawayo, oMaMpofu uNtombizodwa loNokuthula.

UMoyo uthi eleZimbabwe liyahlonipha amalungelo abesifazana ngoba kunje, amapholisa ayisithupha abikwa ahlukumeza oMaMpofu, avalelwa ngemva kokuphenywa kodaba lwabo, ngakhoke uhulumende uzakwenza okufanayo edabeni lwabatsha beMDC Alliance.

Kodwa balwela ilungelo loluntu elizweni bona bathi, uhulumende, kanye lamapholisa yibo abahamba phambili ekwencindezelweni kwamalungelo abantu elizweni.

Omunye wabo nguMnumzana Charles Nyoni, olwela ilungelo likazulu. Yenake uthi kuyinto edanisayo kakhulu ukuthi inani labesifazana abahlukumezwayo lilokhe likhuphuka eZimbabwe.

UMnu. Charles Nyoni olwela ilungelo likazulu
UMnu. Charles Nyoni olwela ilungelo likazulu

“Le yinto nje ebuhlungu kakhulu ngoba siyabe sikhangelele ukuthi uhulumende lamaphoyisa babeyibo abaphambili kokugcina amalungelo kazulu, ikakhulukazi abesifazana, kodwa sibona ukuthi uhulumende lamapholisa yibo abaphambili ngokuhlumeza uzulu njalo yibo abaphambili ngokubambezela abafazi kanye lozulu ngesikhathi lesi selockdown,” kutsho uNyoni.

UNyoni uphinde wathi sikhangela udaba lokutshaywa kwaboMaMpofu, kuyinto emangazayo ngenxa yokuthi akazwisisi ukuthi baphambanisa ngaphi ukuze bazibone sebetshaywa ngamapholisa.

“Sikhangela udaba olwayenzakalayo amalanga ambalwa adlulileyo, okokutshaywa kuka Ntombizodwa Mpofu lo Nokuthula Mpofu koBulawayo, betshayelwa ukuthi baphumeleni ukuthi bayodinga ukudla, kusiba yinto emangalisayo sibili ukuthi kusebenza kanjani ukuthi uhulumende uyabe esithi umuntu uyavunyelwa ukuthi aye estolo ayothenga ukudla njengoba izitolo ezithengisa ukudla kuthiwa zingavhali, so nxa umuntu esetshaywa kabuhlungu kangaka kuyabe kuthiwa aphile njani, okutshengisayo vele ukuthi uhulumende kayitshiyanga into yakhe eyokusebenzisa amapholisa ukwenza umsebenzi wakhe wokuganga,” kutsho uNyoni.

Ingxoxo esiyenze lo Charles Nyoni
please wait

No media source currently available

0:00 0:04:14 0:00


Facebook Forum

XS
SM
MD
LG