amalinks wokungena

Breaking News

'Kusase Kunengi Okumele Kwenziwe Ukutholisa Amantombazana Amathuba'


Abalwela amalungelo abesifazana eZimbabwe bathi lanxa besamukela ukuba khona kwemithetho ehlonipha lokuthuthukisa abesifazana lamantombazana, kunengi okusamele kwenziwe ukuze bathole amathuba amqotho okuzithuthukisa lokuphakama baye ezikhundleni zobukhokheli.

UNkosazana Sibonokuhle Buhlungu, wenhlanganiso yeWhispers, ekhuthaza ukuthuthukiswa kwabesifazana, eyakoBulawayo, utshele umsakazo weStudio7 ukuthi, usasekhona umsebenzi okumele wenziwe ukuze kufikwe esibangeni sokuthi abesifazana babelawo amathuba wokufinyelela izikhundla zobukhokheli ngobunengi, okumunyethwe layisisekelo sombuso, kanye lokuthi zilandelwe iziqondiso zesivumelwano seBeijing Declaration and Platform for Action, esenziwa phansi kwenhlanganiso yomanyano wamazwe womhlaba eye United Nations.

UNkosazana Sibonokuhle Buhlungu owenhlanganiso yeWhispers
UNkosazana Sibonokuhle Buhlungu owenhlanganiso yeWhispers

“Nxa ngikhangele ilizwe lethu leZimbabwe, lolu ludaba oluzama ukuthi uzulu ulwamukele, but akukafiki kulapho esikhangele khona thina njengabakhokheli benhlanganiso ezisebenza labantwana abangamankazana. Yebo ye udaba lolu luyangeniswa kancane kancane endaweni ezitshiyeneyo, kodwa akukafiki ekwamukeleni kakhulu, ukuba abantwana abangamankazana bathole amathuba alingana lawesilisa,” kutsho uBuhlungu.

Ephatha udaba lwalokho okumele kwenzakale ukuze abesifazana lamantombazana bathole amathuba amqotho wokuzithuthukisa lokuphakama baye ezikhundleni zobukhokheli, uNkosazana Buhlungu uthi, abesilisa kumele bamukele ukukhokhelwa ngabesifazana, bancedise ekuphendleni indlela ukuze amathuba avuleke kulabo abayabe beveza ukukhalipha lokukhuthala baphakame bafinyelele ezikhundleni zobukhokheli, hatshi ukubabekela izikhubeko.

“Okumele kwenzakale elizweni yikuba abesilisa kumele basamukele thina abantu abesifazana, babone lokuthi silazo ingqondo lokukhalipha okwaneleyo ukubana sikwanise ukukhokhela lokwenza izinqumo ezithuthukisa amabhizimusi kanye lelizwe,” kutsho uNkosazana Buhlungu.

Ingxoxo Esiyenze Lo Sibonokuhle Buhlungu
please wait

No media source currently available

0:00 0:03:44 0:00

Facebook Forum

XS
SM
MD
LG