amalinks wokungena

Breaking News

Abalwela Amalungelo Bahlangene Bekhumbula Omunye Wabo uDewa Mavhinga


Dewa Mavhinga, the southern Africa director at Human Rights Watch, says the Zimbabwe army should stay in barracks since the county is not in a state of emergency.
Dewa Mavhinga, the southern Africa director at Human Rights Watch, says the Zimbabwe army should stay in barracks since the county is not in a state of emergency.

Abalwela amalungelo oluntu emhlabeni jikelele, izihlobo kanye labangane, bahlangene enkundleni yokuxhumana ebulenjini be-internet ngoMvulo ntambama bekhumbula omunye wabo, uMnu Dewa Mavhinga, obhubhele kweleSouth Africa.

UMavhinga ubeligqwetha elidume ngokulwela amalungelo oluntu eZimbabwe njalo ubengumqondisi wenhlanganiso ekhankasela ukulondolozwa kwamalungelo oluntu emhlabeni jikelele, iHuman Rights Watch, ezansi yeAfrica.

Ubhubhe ngoMgqibelo eseleminyaka yokuzalwa engamatshumi amane lambili, 42, njalo utshiye unkosikazi labantwana abane.

Abakhulume kulumbuthano bagoqela owake waba ndu-deputy prime minister kuhulumende wenkazatho, uMnu Arthur Mutambara, owayeyisiphathamandla seZanu PF uMnu Savior Kasukuwere legqwetha uMnu Lovemore Ladhuku.

Bonke bachaze uMavhinga njengomuntu obezimisele kakhulu ekuvikeleni amalungelo oluntu njalo engumuntu wabantu.

Amazwi la agcizelelwe ngomunye olwela amalungelo, uMnu Charles Nyoni, yena othe uMavhinga utshiye isikhala esikhulu kundaba zamalungelo oluntu eZimbabwe.

please wait

No media source currently available

0:00 0:03:00 0:00

XS
SM
MD
LG