amalinks wokungena

Breaking News

Abamabhizimusi Bakhala Ngokusilela KweDollar leMelika


Reserve Bank of Zimbabwe

Abaninibhizimusi beZimbabwe bakhala ngokuthi ukuswelakala kwemali yakwamanye amazwe ikakhulu idollar leMelika, sokusenza kubenzima ukuthi bathole imali yokuqhubeka besebenza kuhle. Bathi bafisa ukuthi kube lendlela abangathola ngayo imali yokweboleka kwamanye amabhanga besekelwa libhanga elikhulu eleReserve Bank of Zimbabwe.

Kodwa usibalukhulu webanga elikhulu eleReserve Bank uDokotela John Mangudya uthi uhlelo lomkambo wokuthengisa imali yilo olungcono ekulungisiseni udubo lwemali olubhekane lamakampani.

Abamabhizimusi laba bakhala ngokuthi umkambo weForeign Currency Auction Trading System awusebenzi kuhle ngakho balutshwana abathola imali yakwamanye amazwe kuthi abayitholayo bathi iyaphuza ukufika kibo.

Umnunzana Learnard Moyo omunye wabosomabhizimusi bakoBulawayo upha umbono wakhe ngafisa ukuthi uhulumende akwenze ukulungisisa loludubo.

“Uhulumende kasinike ilungelo lokuthi siboleke imali phandle kwelizwe njalo asivumele ukuthi sibank phandle kwelizwe ngoba ukubank elizweni sesehlulekile ungabank imali awuyitholi. Asinike ithuba lokuthi sidraw imali leyana phandle sibuye siyisebenzise elizweni ngeyinye indlela engavusa ilizwe ngendlela engasoze ikhathaze. Imali elizweni ayikwani and inengi ligcina imali ezindlini umuntu athule zwi.”

Umnunzana Ambrose Sibindi ngumgcinisihlalo wenhlanganiso yezakhamizi, eyeBulawayo Progressive Residents Association elilunga njalo lomanyano wenhlanganiso zezisebenzi eyeZimbabwe Congress of Trade Union. Laye upha umbono wakhe ngemali yakwamanye amazwe.

“Kukhanya angathi kulomqondo wokuthi amabanks avunyelwe ukuthi aboleke imali outside Zimbabwe kuyindlela yokuthi engxenye ukuthi le imali yemzini ibekhona. Okokuqala esikunanzelelayo siyakholwa ukuthi njengebank sile Bank enkulu I Reserve Bank of Zimbabwe eletha izimali kuthi lawa ama bank amancane nxa esefuna imali le yemzini kukhangele ukuba yiyo abanika imali nxa sekubuya umqondo onje kutsho ukuthi kusegcekeni ukuthi uhulumende osevuma ukuthi amabanks usehlulekile ukuthi amabanks abancedise ngeforeign currency.”

Umnunzana Ambrose Sibindi wengeze ethi inkinga zinengi ekudingeni ukubolekwa imali ngabamabhanga.

‘Icolleteral leyana ukuthi amabanks leyomali bazayibisela ngoba kulamanye amabanks esikwaziyo azayibisela ngaphi ngoba amanye amabanks ngawalocal so kulama challenges kodwa eZimbabwe ungananzelela siphila ngokuthi okwethu yikuzama kungehlula sizame lokhu yiyo into esihluphayo. Nxa sesisiya eqinisweni bekufanele ukuthi I reserve bank kubeyiyo eletha iforeign Currency elizweni njalo okunye okumele sikukhangele yikuganga esithi yi corruption’.

Umqondisi wenhlanganiso yabaphila ngokuthengisa, eye Bulawayo Vendors and Traders Association uthi imali iphiwa abantu abalamankampani abhalisiweyo hatshi abaphila ngokuthengisa.

“Nxa belamanostro account bebanker bayakwanisa ukuthola imali yabo emabank uUSD. Engikwaziyo I facility leyi ekhona eye forex allocation is meant for ama companies a registered”.

Umqondisi wenhlanganiso elwela amalungelo abathengi umnumzana Effort Ncube uthi kudingakala ukuthi amabhizimusi abe yiwo aba lenhlelo zokuthi imali le itholakale.

“Kunzima ukuthi I Foreign currency itholakale nxa kuyikuthi umkhonomi ungayikhiqizi leyo mali, kudingakala ukuthi industry kube yiyo eyakhayo leyo mali. Ayikho eyinye indlela yokuthi iforeign currency ize ifinyelele ebantwini bonke ngaphandle kokuthi ezomnotho zisebenze ngendlela efaneleyo kuthengiswe impahla ezisuka eZimbabwe zisiya kwamanye amazwe ziyebuya lemali nxa ngabe sisamukela konke okuvela kwezinye indawo singathengisi okuthiwa yiku exporter ngeke sibe layo leyo lemali.”

Abamabhizimusi baveza imibono etshiyeneyo ngamaqhinga angathuthukisa amabhizimusi lokuthuthukisa umnotho welizwe.

Abanye bathi sebesehluleka ukuqhubeka ngomsebenzi ngoba imali abayitholayo kuhulumende incane kakhulu njalo bayaphuza ukuyiphiwa bethi kungaba nganeno nxa bengavunyelwa ukuboleka imali emabhanga aphandle kwelizwe anjengabo Africa Export - lmport Bank lamanye.

Udaba lwezentuthuko yomnotho welizwe siluphiwa nguBathabile Masuku
please wait

No media source currently available

0:00 0:04:53 0:00

Facebook Forum

XS
SM
MD
LG