WASHINGTON DC —
Abakumsebenzi wokuqoqa amafilimu bathi eleZimbabwe lilahlekelwe kakhulu phezu kokubhubha komlingisi, uMnu Lazarus Boora, obesaziwa ngokuthi nguGringo.
U-Gringo wake wadla ubhedu engumahlekisa kumabonakude weZTV kusukela emaphethelweni abo1990 kusiya kubo2000 ethokozisa abantu ngamabhayisikopo akhe agoqela ethi ‘Gringo’ lenye ethi ‘Gringo Ndiani.’
U-Gringo ubhubhele esibhedlela eHarare izolo ngemva kokugula okwesikhathi eside. Ubeseleminyaka yokuzalwa engamatshumi amane lasikhombisa.
Sixoxe lomqoqi wamafilimu uMnu Zenzele Ndebele utshele iStudio 7 ukuthi okudanisayo yikuthi uGringo labanye abanengi abakumsebenzi wamafilimu wafa sebehawula ngoba ababhadalwa kuhle.
