amalinks wokungena

Breaking News

Abancintise Kukhetho Lokhe Bemangele Ngempumela Yalo


Bavota kukhetho lwelizwe eZimbabwe.

Inengi labancintisileyo liithi okwethulwe ngabekhomishini yokhetho eye ZEC akuvezi izifiso zikazulu ngoba okukhulunywa ngabantu lokuphumileyo kungafani.

Omunye wabancintisileyo, uMnu. Nkululeko Tshuma, obemele ibandla lePRC eNsiza uveze ukudana ngoba engazwisisi ukuthi abantu abahlala bekhala ngenhlupho ababhekane labo bangaphinda bavotele iZANU PF njani.

"Kuyethusa njalo kuyamangalisa ukuthi abantu bakithi bangenwe kuyini".

UNkosazana Sichelesile Mahlangu obencintisa ePumula ubabaza impumela yokhetho ngoba bekusobala ukuthi abantu bafuna inguquko hatshi lokhu okucine kuphuma.

"Abantu baphume ngobunengi sibili besiyavota ikakhulu ontanga."

Obecintisa ezimele eMguza uMnumzana Mthabisi Winston Ncube uthi ukhetho luhambe kuhle loba kube lokunengi obekuphezu kwamandla abo okumele kulungiswe yilabo abanqobileyo.

"Kungabe kulokunye okuphezu kwamandla ethu esilindele ukuthi kulungiswe."

Oncintise kuKhansili koBulawayo emele ibandla le ZAPU, uMnu. David Mhothi, uthi iZEC kumele ilungisise inhlelo zayo ngoba abazange benze ngendlela ikakhulu emifanekisweni yabo ebingakhanyi.

"I-ZEC kumele ilungisise inhlelo zayo".

Obekumqoka kubo bonke abakhulume leStudio 7 yikuthi ukusebenza kweZEC kumele kukhuphuke khona kuzakuba sobala ukuthi umsebenzi wabo bayawazi.

Abanye abancintisileyo bathi bazahle baqale khathesi ukulungiselela ukhetho luka2023. Ontanga basukume ngobunengi kulolukhetho bethi abadala kumele badedele bona babafundise khona bezazimela ekhethweni oluzayo.

please wait

No media source currently available

0:00 0:05:16 0:00

Facebook Forum

XS
SM
MD
LG