Abahlali beVungu enkabazwe bathi abantu abahlomileyo sebehlasele indawo ezibalisa iMakepesi, iNhlezi, lemapulazini kulindawo babulala izakhamizi ezimbalwa losomabhizimusi njalo bahlukuluza abanye ngesikhathi esedluleyo .
Abantu laba babikwa behlome ngemibhobho, ingqamu, kanye lenkemba njalo lanxa abanye sebabotshwa ngamapholisa, kulabanye abangakabanjwa, okubangela ukuthi izakhamizi zihlalele evalweni.
Asenelisanga ukukhuluma lamapholisa ngaloludaba. Uhlupho lolu solubhahile elizweni njalo amapholisa eBeitbridge abophe uMnu. Taj Abdul, omunye wabacatshangelwa ukuthi udala amacala afanayo, futhi obedingwa ngabomvu.
Kodwa uMnu. Abdul labanye bakhe abayisitshiyagalombili batholakale belecala lokugcina izikhali ngokungekho emthethweni kuphela, bagwetshelwa ukupika okweminyaka emithathu entolongweni.
UMnu. Omega Sibanda omela iVungu edale lephalamende uthi imbiko abayitholayo ngeyokuthi kwabulawa usomabhizimusi owadutshulwa ngenhlamvu ezinengi zombhobho, owesifazana osekhulile, lomunye owesilisa.
Uthi njengabakhokheli besigaba bakhuthaza umphakathi ukuthi ungabona abantu abangaziwayo njalo abasolisayo kwaziswe amapholisa, induna labosobhuku ngabo.
Facebook Forum