amalinks wokungena

Breaking News

Abantu Abanengi Bathi Ukhetho Lutshontshiwe


UMnu. Nelson Chamisa ukhuluma labantu ngesikhathi kuvotwa eKuwadzana edolobheni leHarare.

Inengi labantu beGwanda kalijabulelanga impumela yokhetho lukamongameli welizwe lapho okunqobe khona uMongameli Emmerson Mnangawa webandla leZanu PF.

Inengi elixoxe lalumsakazo lithi belikhangelele inkokheli entsha ebizaletha amaqhinga amatsha kundubo ezibhekane lezizalwane zeZimbabwe.

Edolobheni leGwanda bekuthule njalo lalabo abanqobileyo lokhu bengakaqalisi ukujabulela ukunqoba kwabo kukhetho.

Inengi lithi libona angathi ukhetho lutshontshiwe. Osakhulayo uBrighton Dlamini uthi imdanisile impumela yokhetho.

“Njengama Zimbabweans siphatheke kabi ngali election result, into ekhona yikuthi umuntu engazake engabi ekhulunywa ngabantu kodwa ewini abantu bonke bakhuluma ngoChamisa kodwa adliwa, yiyo irigging hanti bayayazi yistyle sabo.”

UMnu. Mnu Solani Moyo, umgcinisihlalo webandla leMDC-T ekhokhelwa nguMnu. Nelson Chamisa eZansi yeMaNdebeleni, uthi abayamkeli impumela yokhetho.

“Sizo make sure and sizo demonstrator peacefully sibonisa umhlaba ukuthi lokhu akusijabulisi, abafowethu siyazi badutshuliwe izolo so I think ukuthi sokuyisikhathi sokuthi nxa befuna ukusibulala sonke kulunge thina besesithole umuntu ozasikhipha edubeni.”

Loba nje umanyano weMDC Alliance ukhala ezimathonsi ngokuqilibezelwa abebandla leZanu PF bamanzi nte njalo uMnu. Malaki Nkomo uthi iZanu PF inqobe ngoba isenza intando kazulu.

“Ngoba siwuphiwe umhlabathi siwubonile abantu bakhona bayancediswa ngenhlanyelo inkomo sizibonile futhi zingenile ebantwini ukuthi abantu babelakho ukuthi bakwanisi ukuthi baziphilise.Ibandla leZanu PF abantu sebelibonile ukuthi yilo kuphela ibandla elilabantu engqondweni.”

UMkhokheli womanyano weMDC Alliance, uMnu. Nelson Chamisa, uthi kayamukeli impumela yokhetho ngoba kunguye onqobileyo.

Kusenjalo, amapholisa ahlomileyo alindile phandle kwamahofisi yebandla leMDC-T edolobheni leGwanda.

Facebook Forum

XS
SM
MD
LG