amalinks wokungena

Breaking News

'Akuvinjwe Ukudlwengulwa Kwabantu Abathandanayo'


Bahlafuna udaba lokudlwengulwa kwabantu abathandanayo.

Ingcwethi zokulondolozwa kwamalungelo kwezempilakahle yemacansini, abe Sexual and Reproductive Health Rights, bakhuthaza uhulumende ukuba adinge indlela zokulwisana lokuqhela kodubo lokudlwengulwa kwabathandanayo.

Bathi inhlupho ezinje kumele zithathwe njengengxabano zomdeni okumele zilungisiswe emulini.

Lokhu ngokunye kokuphume emkhosini wokuphawula ngokusemthethweni umkhankaso wamantombazana pbizwa ngokuthi #EveryGirlMustKnow That Rape is Never Her Fault.

Bekulabantu abanengi emhlanganweni lo.
Bekulabantu abanengi emhlanganweni lo.

Umkhankaso lo ubuhlose ukutholisa imfundiso losizo kwezokwenqabela izehlakalo zokudlwengulwa kwabesifazane lamantombazana ngababathandayo kanye losizo olunganikezwa oyabe ewelwe yiloludubo ukulondoloza impilakahle yakhe kanye leyengqondo.

Omunye wabangene lumhlangano owenzelwe emahofisini eKatswe Sisterhood e Harare, nguDokotela Nonhlanhla Zwangobani, umqondisi wolunye lwenhlangothi zenhlanganiso yezokuhlela kuhle imuli eye Zimbabwe National Family Planning Council.

Phezu kwenkinga zempilakahle yengqondo kulowo odlwengulwe ngalindlela, uZwangobani uthi kunengi okwenzakala emzimbeni wakhe, okungaba yingozi.

Umhlangano wokunqabela ukudlwengulwa kwabathandanayo.
Umhlangano wokunqabela ukudlwengulwa kwabathandanayo.

Ummeli wesigaba sakoBulawayo edale lephalamende, uNkosikazi Jesmine Tofa, uthi kunengi okumele kwenziwe ukuluqeda loludaba lokudlwengulwa kwabesifazane ngowesilisa ayabe ethandana laye.

Unkosikazi Tofa ukhuthaza labazali ukuba bananzelele indlela abantwababoa baziphatha ngayo ukuze baphange bakubone lapho sekulenkinga.

Ingcwethi kwezempilakahle lezi kanye leziphathamandla zenhlanganiso ezisebenzisana lozulu kwezempilakahle ephathelene lendaba zemacansini, zithi okudanisayo yikuba uzulu kananzeleli ukuba lindlela yokudlwengulwa kwamantombazana kuyikho okwenza liqhubeke liqansa inani labenda besesebancinyane ngakho kungamelanga luthathwe lula.

Ukudlwengulwa kuvame ukungakhangelwa ngokufanayo, kusehlukaniswa ngokuqakathekiswa okwenziwa ngumuntu ongamaziyo kodwa kululazwa lapho kusenziwa ngowesilisa owaziwa emulini okunjengomkwenyana, lowo othandana laye kumbe omtshadileyo.

Facebook Forum

XS
SM
MD
LG