amalinks wokungena

Breaking News

UBiden Uzancedisa Ukulungisa Na Okunye Okuhluphayo eZimbabwe?


UMnu. Joseph Biden
UMnu. Joseph Biden

Abantu abanengi bathi balethemba lokuthi uMnu. Joseph Biden, olungiselela ukungena esikhundleni sikamongameli kwele Melika, ulakho ukukhuthaza ukuba kunqabelwe ukwephulwa kwamalungelo kazulu lezombangazwe eZimbabwe.

Bathi ubudlelwano belizwe leMelika lele Zimbabwe buqakathekile kakhulu ngakho-ke bafisa ukuba uBiden azame ngamandla wonke ukuthi akhulumisane lenkokheli yeZimbabwe ukuze uMongameli Emmerson Mnangagwa labanye bakhe bangephuli amalungelo kazulu njalo bathuthukise umnotho obhidlikayo.

Bathi kuyazakala ukuba uBiden ngomunye walabo abakhuthaza ukulotshwa komthetho wokujezisa inkokheli yebandla leZanu PF owe Zimbabwe Democracy and Economic Recovery Act ngomnyaka ka2001.

Phansi komthetho lo, ilizwe leMelika lithi kumele eleZimbabwe liqhube ukhetho olubalulekileyo, kwembiwe ngemfanelo igolide lokunye, kungephulwa ilungelo likazulu njalo kuvuselelwa umnotho.

EleMelika lethesa eyinye inkokheli yebandla leZanu PF izijeziso zenotho lisithi bephula amalungelo kazulu.

UMnu. Brilliant Mhlanga ngomunye wabantu abathi uBiden ukhangelelwe ukuba uzazama okuhlupha uzulu kwele Zimbabwe.

Lokhu kusekelwa nguMnu. Clifford Ndlovu, ohlala eZimdabule eNyamandlovu esabelweni seMatabeleland North.

UMnu. Isaac Mpofu, odabuka eMadabe, laye ulethemba lokuthi uBiden uzasebenza ngcono

Lokhu kusekelwa nguuMnu. Charles Moyo.

Izijeziso zenotho zetheswa abantu abakubandla le Zanu PF abedlula amatshumi ayisitshiyangalombili – 83 lamankampani afika phose amatshumi amane – 37.

Ilizwe leMelika lithi kumele kubelenguquko elizweni kungakesulwa izijeziso lezi. Izijeziso lezi ziphansi kohlangothi olubizwa ngokuthi yiOffice of Foreign Assets Control.

Abanye Abantu Bafisa Ukuthi uBiden Alungise Okunye Okuhluphayo eZimbabwe
please wait

No media source currently available

0:00 0:04:37 0:00


XS
SM
MD
LG