amalinks wokungena

Breaking News

Abantu Bakhala Ngokuthi Iyasilela Imphahla Yokuzivikela Njalo Ibiza Intengo Ephezulu


Ayasilela amaMask lamagloves

Ngisikhathi igcikwane le COVID 19 selihlasele ele Zimbabwe lathatha umpefumulo womuntu wakuqala, uzulu ukhala ngokuthi akenelisi ukuthenga impahla yokuzivekela ama masks lamagloves, ngenxa yentengo kuthi lapho akade ethengeka khona kawasatholakali.

Uzulu weZimbabwe ovele ebhekane lobunzima obubangelwa yikungamanga kuhle kwesimo somnotho welizwe, uthi umthwalo omutsha wokuthenga ama mask lamagloves okuzivikela, awulula kwabanengi ngoba kudingeka idola le Melika.

Esinye isakhamuzi se Harare uNkosikazi Nkosikazi Nonhlanhla Ngwenya uthi idola leMelika yimali enengi kakhulu engatholwa ngumuntu lula.
“Ama masks ayadula kawatholakali kwezinye indawo akubo 3US dollars. Ku social media bathi 6 US le yintengo ephezulu kakhulu, uhulumende nxa engakwanisa ukuthi ancedise ngama mask lapho engabe esincede kakhulu”

Esinye isakhamuzi uMnu Marshal Bwanya uthi abanengi kabakwazi ukuthi ama mask ayiwo asebenza ukuvikela lumkhuhlane yiwaphi.

“Udubo esilalo njengezizalwane yikuthi asikwazi ukuthi ama mask siyawathola ngaphi, njalo ukuthi asebenza ukusivikela yiwaphi asiwazi”
Lokhu kusekelwe ngu Mnu Tafadzwa Chigandiwa othi imali abayiholayo kayeneli ukuthenga lawa ma mask.

“Asilalwazi olukuthi ama mask lawa atholakala ngaphi. Thina imali yokuthenga asikayitholi njalo asiyitholi ngenxa yokuthi laoho esisenza khona asiholi kangako. Ngabe uhulumende lezinye inhlanganiso bayasinceda ukuzwe lathi sithole ama mask, ngoba sizwa kuthiwa yiwo anceda ukuvikela i corona”

Kodwa omunye osebebenzela esibhedlela seHarare uNkosikazi Zandile Magwanyatha uthi bona emsebenzini sebephiwa ama mask lawa kodwa uphinde wathi abanye kabasawatholi.

“Mina imask ngilayo ngisebenza esibhedlela basiphile ama mask, siyawaqgoka. Ezitolo akhona ama sanitizer le ma mask njalo kodwa asephela”

Unobhala obona ngezempilakhale kubandla le MDC uMnu Henry Madzorera uthi uhulumende kumele abone ukuthi uzulu wonke uyathola lawa ma mask ukuze abayanga bengasaleli kumizamo yokulwisana lalumkhuhlane.

“ Kuhlupho esilalo kumele sithengele wonke umuntu. Abayanga lezikhulu. Ama mask lawa ayasebenza ebantwini abakhwehlelayo. Kufuze sincede ukuba wonke umuntu awathole”

UMnu Nick Mangwana okhulumela uhulumende walile ukukhuluma ngaloludaba, kuthi uDokotela omkhulu kuloluhlelo e Harare u Dr Prosper Chonzi uthe uzaphendula kodwa kasaphendulanga ngesikhathi iStudio 7 isiya emoyeni.

Okwamanje kulabantu ababili esebefunyenwe belegcikwane leCOVID 19 kwele Zimbabwe, kuthi oyedwa uMnu Zororo Makamba uhle waba ngowakuqala ukubulawa yileli gcikwane elizweni.

Kusenjalo imuli yomuyi isilobe ingcwadi isola indlela uMakamba agcinwe ngayo esibhedlela se Wilkins, lapho abathi kakulamitshina yokulondoloza impilo yalabo abayabe sebelegcikwane.

Uhulumende usethule umthetho oleziqondiso ezalisa abantu ukubuthana loba esililweni, emitshwadweni lakwezinye indawo emizameni yokwenqabela ukumemetheka lokuthelelanwa kwaleli gcikwane.

Udaba Esilethulwe NguMlondolozi Ndlovu
please wait

No media source currently available

0:00 0:03:57 0:00


Facebook Forum

XS
SM
MD
LG