amalinks wokungena

Breaking News

Abezempilakahle Bathi Qaphelani iOmicron Ememetheka Ngamandla Emhlabeni Wonke Jikelele


Liyakhuphuka inani labatholakala belegciwane leCoronavirus lababulawa ngumkhuhlane weCOVID-19 eZimbabwe.

Ingwethi kwezempilakahle zixwayisa uzulu ukuba makangayekithisi kwezokulandela iziqondiso zempilakahle njalo bananzelele kuzibonelo ngesikhathi uhlobo lwegciwane le Omicron uqhubeka usabalala njalo besithi loweDelta kungaba yiwo oqhubeka ubulala abantu. Intathelizindaba yethu uMavis Gama usethulela loludaba ngokugcweleyo.
Lesi sixwayiso siza ngemva kokuba abafika phose inkulungwane ezinhlanu - 4 367 betholakalae belegciwamne, abalitshumi lane - 14 babo balahlekelwe ngumphefumulo ekutshoneni kwayizolo.

Ingcwethi kwezempilakahle ziveza ukuba lanxa kusayenziwa inlolisiso ukudingisisa ngohlobo lweOmicron, lona olungakazivezi ukuba lubukhali okungakanani njengoba bebalutshwana abalahlekelwa yimiphefumulo nxa kuqathaniswa lalokho obekusenzakala esikhathi esedlulo, uzulu akangayekethisi kundlela azilondoloza ngayo ngoba owe Delta ulokhe usakhona njalo ulakho ukuba kuyiwo obulala abantu.

Enye yalezingcwethi kungu Dr Johannes Marisa yena otshengise ukukhathazeka ngendlela uzulu aseziphatha ngayo engazinakekeli njengakuqala esithi ngoba silakho ukuba sesilamagciwane amabili ahlasela abantu sikhathi sinye njalo amanani elakho ukuqonga ma singasaqaphelanga.

"Asikazi okunengi ngalumhlobo kodwa seliguquke kanengi njalo lilakho ukuqhubeka liguquka ngakho lilakho ukuguquka libe yinto eyingozi kakhulu. Lilakho ukuqhubeka liguquka libe ngenye into ezakuba yingozi enkulu kakulu.
Okugcizelelwe ngumqondisi enhlanganisweni ye Community Working Group on Health - CWGH engomunye njalo wabaphatheke kumikhankaso kwezokulwela ilungelo lokwelatshwa kwabantu ezibhedlela zikahulumende ( Public Health Activist ), umnumzana Itai Rusike.
"Lumhlobo weCOVID-19 ususidalele inkinga kumizamo yethu yokulwisana lalolubhubhane njengoba inengi labantu eZimbabwe bengasazilandeli lezo ziqondiso ze WHO ezabekwayo."

Esinye isakhamuzi sakoBulawayo umnumzana Mandlenkosi Mpande uthi siyamethusa isimo elizweni ehlangothini lwabahlaselwa lokubulawa ngumkhuhlane we COVID-19 ikakhulu khathesi uzulu ebhekane lekhefu leKhisimusi lapho abantu abandise ukulahla zonke izeluleko zokuzinakekela, bejabula.
"Njengoba sekuyi Festive Season, anything can happen. Yinto ebuhlungu sibili leyo ngoba besesingani sesijwayele, sesihlatshiwe, njalo amananai ebesesehla, abantu ababanjwa yiyo. Bekukuhle sibili kodwa now, lokhu sekusethusa kakhulu. "
Embikweni owethulelwe uzulu kuyonale iviki ngemva komhlangano wequla labaphathintambo, we Cabinet Briefing, isikhulumeli sikahulumende engumphathintambo wezokukhitshwa kwemibiko lokusakazwa kwayo unkosikazi Monica Mutsvangwa uveze ukuba bakubone kufanele kungezelelwe ezinye iviki ezimbili kulezo ziqondiso uzulu akumele azilandele ukuze alondolozeke kulomkhuhlane weCOVID-19 lokusabalala kwaleligciwane eselikhona leomicron.

Abezempilakahle baveza ukuba sebefika phose inkulungwane ezingamakhulu amabili – 182,057 eZimbabwe asebetholakale belomkhuhlane weCOVID-19 selokhu waqhamukayo elizweni nyakanye, abafika phose inkulungwane ezinhlanu – 4,759 babo balahlekelwa yimiphefumulo kuthi abedlula kancinyane inkulungwane ezilikhulu babo – 130,920 kungabasindayo kiwo lumkhuhlane.

Facebook Forum

XS
SM
MD
LG