Abantu kwele Zimbabwe sebekukhefu lePhasika abanye bekhonona ngokugugudeka komnotho okubenza ukuthi bengenelisi ukuphandela imuli zabo ukudla.
Abanye behluleke ukwethekelela izihlobo ngenxa yokuswela imali.
Loba kunjalo banengi abakhonza uNkulunkulu endaweni ezitshiyeneyo abazaqhubeka bekwenza lokhu kuze kufike uMvulo kuviko ezayo.
UMfundisi Josias Mudenda weMethodist Church eBinga uthi ikhefu lePhasika liqakatheke kakhulu ebantwini bakwele Zimbabwe lamanye amazwe.
Uthi lesi yisikhathi sokukhonza uNkulunkulu lokwenza yonke imisebenzi eyenziwa nguJesu Khristu owafela izono zabantu.
Kusenjalo, uPope Francis weRoma ngoLwesine ugezise inyawo zezibotshwa ezilitshumi lambili njengalokhu okwenziwa nguJesu Khristu owagezisa ayesebenza labo abalinani elifanayo engakathathwa ngababefuna ukumsusela amanqe.
