amalinks wokungena

Breaking News

Ukhetho LwamaPrimaries eNew Hampshire, Bayavota Abantu


Unkosikazi Hillary Clinton loMnu. Bernie Sanders abebndla lamaDemocrats
Unkosikazi Hillary Clinton loMnu. Bernie Sanders abebndla lamaDemocrats

Kubandla lamaDemocrats zindala zombili phakathi kukaNkosikazi Hillary Clinton lomnumzana Bernie Sanders.

Kuyakhankaswa kuluthuli kumabandla ezombusazwe elama Democrats lelamaRepublicans ngapha ngaseMelika phakathi kwabadinga ukuncintisa kukhetho lokudinga umongameli welizwe, oluzakwenziwa ekupheleni kwawonalumnyaka ka2016.

Ngaphambilini kwalolu khetho kuvame ukwenziwa imicimbicimbi yokukhankasela ukudinga usekelo beqala ngokucintisana abebandla linye kumaprimaries, kucine sokukhethwa ommela ibandla emhlanganweni omkhulu oweConvention. Ngaphambilini kuphinywa usekelo lwabantu ngendlela ezitsheyeneyo. Ngeviki edluleyo kube lokuvota kwabantu be Iowa beveza ukuthi bona bafuna bani ukuthi acintise emmele ibandla labo kukhetho lukamongameli.

NgoLwesibili mhlaka 09 Nhlolanja abantu beNew Hampshire bebephithisela besiyavota ukuthi kukhangelwe ukuthi ngubani ongacina enqoba ukuze acintise emele ibandla.

Kubandla lamaDemocrats zindala zombili phakathi kukaNkosikazi Hillary Clinton lomnumzana Bernie Sanders.

Kuthi ngale kucele lama Republicans kulabomnumzana Donald Trump, Marco Rubio, Ted Cruz, Jeb Bush, Ben Carson, Chris Christie, John Kasich, Jim Gilmore labanye labo abadinga usekelo lwabe New Hampshire.

Ukuhlaziya lolu daba iStudio Seven ixoxe lomnumzana Jabu Moyo isizalwane seZimbabwe esikhonale e-New Hampshire.

Kungumkhuba nje wabezombusazwe lapha eMelika ukuzwana amandla osekelo lwabo bengangeni kukhetho ngokwalo, ezigabeni ezinjenge Iowa lase New Hampshire, kodwa kakutsho ukuthi ozanqoba kulezi zigaba nguye ozahle anqobe kukhetho ngokwalo.”

Ukhetho lwamaPrimaries olweNew Hampshire
please wait

No media source currently available

0:00 0:02:18 0:00
Lapho esitholakala khona

XS
SM
MD
LG