amalinks wokungena

Breaking News

Abantu beZimbabwe Bayafuna Na Ukuba Lomongameli Wesifazana?


UNkosazana Thokozani Khupe labanye abalandeli bebandla leMDC.

Kulabanye abantu kwele Zimbabwe abathi kasikafiki isikhathi sokuthi bavotele owesifazana.

Abalembono le bagoqela abesifazana labesilisa. Kodwa-ke kulabanye njalo abathi bazimisele ukuvotela owesifazana kukhetho lukamongameli.

Abesifazana abancintisa kukhetho lukamongameli begoqela uNkosikazi Joice Mujuru webandla leNational People’s Party, uNkosazana Thokozani Khupe okhekhela elinye icele lebandla leMDC-T labanye abambalwa.

UMaMntungwa uthi uMujuru loMaKhupe balamaphutha njengomuntu wonke lobanje awabo ephuma mgceke ngoba beyinkokheli yamabandla ayehlukeneyo.

Uthi uMujuru wehluleka ukukhuphula abanye abantu besifazana esesikhundleni somsekeli kamongameli kuthi-ke uMaKhupe wehluleka ukukhanga abanye abalandeli bebandla leMDC ukuthi bengabalekeli owayengumongameli walo, umuyi uMorgan Tsvangirai.

Uthi abantu bayathandabuza ngazakwenza engakhethwa ukuba ngumongemeli welizwe.

Okunye njalo uMaMntungwa uthi bakhona njalo abesilisa labesifazana abangafuni ukuthi babuswe ngowesifazana.

Bayakhonona Abesifazana Labesilisa Ngokufaka Owesifazana Esikhundleni Sikamongameli
please wait

No media source currently available

0:00 0:05:02 0:00

UMnu. Den Moyo, okubandla leMDC-T ekhokhelwa nguNkosazana Thokozani Khupe, uthi abantu besifazana balakho ukubusa ilizwe leZimbabwe njengalokho okufiswa nguzulu.

'Kumele Abantu Basekele Abesifazana Abafuna Isikhundla Sikamongameli'
please wait

No media source currently available

0:00 0:03:31 0:00

Facebook Forum

XS
SM
MD
LG