amalinks wokungena

Breaking News

'Abantu Bokuza Abaphume Baphele Kwazulu Natal'


Inhlanganiso yabezamabhizimusi bakwele South Africa egxile esabelweni saKwaZulu Natal eye Nothern Region Business Association isitshele abakwamanye amazwe abaqhuba amabhizimusi abo kuleyo ndawo ukuthi kuthi kusiyatshona elakusasa sebephume baphela kuleyo ndawo.

Inhlanganiso le egxile kakhulu emalokitshini eInanda, Ntuzuma laKwaMashu edolobheni leDurban, ithi abakwamanye amazwe laba baqhuba amabhizimusi abo ngendlela engathokozisiyo osekusenza awabo njengezizalwane zakwele South Africa angahambi ngendlela.

Umgcinisihlalo wenhlangaiso ye Northern Region Business Association, uMnumnzana Vusumuzi Msomi, uthi okunye abakusolayo ngabakwamanye amazwe laba yikuthi abaqatshi izizalwane zakwele South Africa kuma bhizimusi abola.

Uthi futhi inengi labo lihlala lokulala emavinkilini amancane la ama (Spaza shops or Tuckshops), abathengisela kuwo ukudla.

“Kusukela kubo 2014 sihlala nabo imihlangano ehlukene minengi kuze sifike kuleli ilungelo lokuthi sibhale izincwadi sibacele peacefully ukuthi sibanikeza 14 days ukuthi bavale kahle bahambe besesikwazi ukuthi ma bebuya babuya kanjani ngoba ukuhlala kwabo la akusenelisi.”

Lokhu sekulethe ukwesaba kwabakwamanye amazwe ngoba besithi kungahle kukhuthaze inyathelo elifanayo endaweni ezitshiyeneyo zelizwe okungadala ukuqhamuke kodlakela lwexenophobia.

Sekube lezehlakalo zokuhlaselwa kwabakwamanye amazwe kwele South Africa ezedlula ezintathu eziqale ngokuhlaselwa kwabakwamanye amazwe abaqhuba amabhizimusi emalokitshini.

Kodwa-ke uMnumnzana Msomi uyaphika ukuthi isenzo sabo lesi ngesokucwaswa kwalabo abavela kwamanye amazwe okungabangela ukuthi bahlaselwe. Uthi sebetshele amankansila, amapholisa lohulumende walesi sabelo ngenyathelo labo leli, esithi lokhu kukhombisa ukuthi akusiyo xenophobia.

Isizalwane seZimbabwe sithi lokhu kubatshayisa ngovalo, ngoba kuyimvama ukuthi kuqhamuke ixenophobia ikakhulu nxa kulungiselelwa ukhetho kweleSouth Africa loba eZimbabwe.

Loba kunjalo umkhokheli kahulumende kulesi sabelo uMnumnzana Willies Mchunu usexwayise ukuthi loludaba lusombululwe kungeladlakela.”

“Kukhona yini imbangela la? Ingasombululwa kanjani? Lokhu asingeke sikwenze sodwa njengohulumende, Asingeke sitshele abantu ukuthi benzeni. Kufuze sibabuze ukuthi licabanga ukuthi loludaba singalusombulula njani besesiyaphuma lomhlahlandlela.Asikufuni ukungahlaliseki kwesimo kulesisabelo kanti njalo asifuni abenza izinto ezingekho emthethweni.”

Ngo 2008 kuqhamuke ixenophobia kweleSouth Africa kwafa abantu abafika amatshumi ayisithupha. Udlakela olufanayo lubuye lwaqhamuka futhi ngo2010 lango 2015.

Facebook Forum

XS
SM
MD
LG