amalinks wokungena

Breaking News

Abanye Ababalisi Behluleke Ukuyancedisa Abafundi Abaloba Imihloliso


Progressive Teachers Union of Zimbabwe

Inhlanganiso ezimela ababalisi zithi abanye ababalisi behlulekile ukuzencedisa abafundi abaloba imihloliso ye O le A level bekhala ngokuthi babhekane lodubo lokuswela imali eneleyo yokuhambisa ukuya emsebenzini ngenxa yeholo eliphansi abalitholayo.

Imihloliso iqalile elizweni NgoMvulo kubafundi abaloba iphepha ele Biology ku ‘O’ level. Kuthi abe A level balobe iphepha lesikhiwa lele Phsyics.

Abenhlanganiso yababalisi eye Progressive Teachers Union of Zimbabwe (PTUZ) bazise ukuba abaphathi sikolo labasekeli babo bacine bengena endimeni ukuncedisa abafundi ekulobeni imihloliso.

UMkhokheli we Amalgamated Rural Teachers Union (ARTUZ) uMnu Obert Masaraure uthi inhlolisiso eyenziwe yi nhlanganiso yakhe iveze ukuba imihloliso incediswa ngabantu abasebenza ezikolo hatshi ababalisi.

“Ababalisi labantwana bayehluleka ukubuyela ezikolo. Izikolo okumele zibe lalabablisi abungamatshumi amabili zilabathathu nje kuphela. Kuyasidanisa ukuba abanye abantwana bazehluleka ukuloba imihloliso”

Lokhu kugcizelelwe ngesinye isakhamuzi seHarare, uMnu Herbert Nkomo yena olomntwana oloba imihloliso.

“Ngabe uhulumende uyaqhubeka ebapha imali ye Melika ngoba abalamali. Yikho bengekho ezikolo. Leyi eyama RTGs kayeneli lutho”

Kodwa isikhulumeli sohlangothi olulawula ngezemihloliso olwe Zimbabwe School Examination Council (ZIMSEC) uNkosikazi Nick Dlamini uyakulandula lokhu esithi imihloliso ilotshwe kungela kuphazamiseka.

Inhlanganiso zababalisi zithi ababalisi bazaqala ukutshengisela nxa uMongameli esekhiphe usuku olutsha lokuvalwa kwezikolo.

Bathi iholo labo lamadollar azinkulungwane ezingamatshumi amabili lanye RTGs21000 ngenyanga lithi kungakhitshwa izimali zemithelo lezamapension lisala selikumadollar azinkulungwane ezilitshumi lane- RTGs14,000, okuyimali elingana lamadollar eMelika angamatshumi ayisikhombisa-US$70 ngesilinganiso somkhambo omnyama.

Umphathintambo weze mfundo uMnu Paul Mavima utshele iphephandaba le NewsDay ukuba uhulumende akasoze aholise ababalisi abangayi emsebenzini.

Udaba lwababalisi abehluleke ukuyabhalisa imihloliso siluphiwa nguMlondolozi Ndlovu
please wait

No media source currently available

0:00 0:03:14 0:00

Facebook Forum

XS
SM
MD
LG