amalinks wokungena

Breaking News

Abanye Abantu Bathi Akuqedakali Okwenziwa NguMnangagwa


FILE: Ibutho lihlolisisa umumo emigwaqweni eHarare, November 16, 2018

Abantu bayakhala ngoMongameli Emmerson Mnangagwa osefikisa phose iminyaka emibili ebusa lizwe leZimbabwe.

Mhlaka 16 kuLwezi ngomnyaka ka2017 ibandla leZanu PF, abalwa impi yenkululeko, ibutho labantu abanengi babefuna owayengumongameli ngalesosikhathi, uRobert Mugabe, atshiye umsebenzi.

Wayesegonjolozelwe libutho uMugabe kodwa esithi kayindawo. Wacina esuka embusweni owangena kulesosikhundla uMnu. Emmerson Mnangagwa wathembisa ukuthi uzaguqula okunengi okwakusenziwa elizweni. Abantu abanengi bathi uMnangagwa kenzi kahle.

Omunye wabalombono lo nguNkosazana Sikhathele Nyathi, osehlala kwele Botswana.

Imibono yakhe isekelwa nguMnu. Rejoice Ngwenya, ingcwethi kwezombusazwe ezimele yodwa, othi uMnangagwa uziquthele kwezokubusa ilizwe leZimbabwe.

UMnu. Den Moyo, okubandla leMovement for Democratic Change, elikhokhelwa nguNkosazana Thokozani Khupe, uthi akukhanyi kahle okwenziwa nguMnangagwa.

Abanye abalemibono enje bagoqela uMnu. Collen Sibanda othi kungcono uhulumende kaMnangagwa akhulumisane lamabandla aphikisayo ukuze kulungiswe okuhluphayo eZimbabwe.

USibanda uyakhala kakhulu ngesimo sezomnotho lokunye okutshiyeneyo elizweni.

Kodwa-ke uMnu. Joseph Tshuma webandla leZanu PF uthi abantu kumele babekezele.

Akwaziwa ukuthi uhulumende kaMnangagwa uzavuselela umnotho weZimbabwe okhanya usuguqa ngamadolo.

Uzulu Uthi uMnangagwa Ubona Ntuthu Kwezokuvuselela Umnotho Lokubusa eleZimbabwe
please wait

No media source currently available

0:00 0:05:15 0:00


Facebook Forum

XS
SM
MD
LG