'Abongi Sebevuma Ukuhlatshwa Ijekiseni yeCovid-19 Ngoba Bebone Abanye Bengagulanga'

Kubhubhe abathathu ngeCovid-19 eZimbabwe ngoLwesine njalo kwatholakala abangamatshumi amathathu lasithupha, 36, belomkhuhlane lo.

Lokhu kutsho ukuthi asebebhubhile selokhe i-coronavirus ifike kulelilizwe sebeyinkulungwane elamakhulu amane lamatshumi ayisitshiyagalolunye lambili, 1,492.

Asebefunyenwe belawo bona sebekunkulungwane ezingamatshumi phose amane, 36,377.

Inhlanganiso yeZimbabwe Nurses Association (ZNA) ithi lanxa abongi bebesesaba ukuhlatshwa ijekiseni yeCovid-19 ngoba bengayithembi, abanye sebesiba lesibindi sokuhlatshwa ngemva kokubona kungelalutho olubi osolwehlele labo asebehlatshiwe.

Uhlelo lokuhlaba abezempilakahle lezinye izisebenzi ezimqoka ijekiseni elungiswe kweleChina luqale kumaviki amathathu edluleyo njalo inani lalabo abavuma ukuhlatshwa lilokhe liphansi.

Okwamanje sokuhlatshwe inkulungwane ezedlula ezintathu, 35,900, kuphela.

Kodwa isikhulumeli seZimbabwe Nurses Association uMnu Anthony Majongosi, ongumongi, utshele iStudio 7 ukuthi ukungabikhona komthelela omubi kulabo asebehlatshiwe sokukhuthaze yena labanye ukuthi labo bahlatshwe.

Embed share

Ingxoxo loMnu Anthony Majongosi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:46 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala