amalinks wokungena

Breaking News

Abanye Abantu Bathi Umuyi uDaniel Arab Moi Wayebusa Ngochuku


Owayengumongameli wakwele Kenya kusukela ngomnyaka ka1978 kusiyafika umnyaka ka2002, uDaniel Arab Moi, kasekho.

Ubhubhe ngoLwesibili esibhedlela edolobheni leNairobi.

Indodana yakhe uMnu. Gideon Moi, kavezanga ukuba ubulewe yini uyise obeseleminyaka yokuzalwa engamatshumi ayisificamunwemunye lanhlanu – 95.

UMoi wangena esikhundleni sikamongameli kulandela ukubhubha kukaJomo Kenyatha ngomnyaka ka1978. Kulabanye abancoma umbuso wakhe kubelabanye njalo abathi wayebusa ngochuku.

Ukuze sihlaziye udaba lolu, sixoxe loMnu. Joseph Tshuma okudale leCentral Committee kubandla leZanu PF, othi akumangalisi ukuthi kulabanye abantu ababezonda okwekusenziwa nguMoi owayechothozwa ngamazwe lenhlanganiso ezitshiyeneyo ngendlela owaye busa ngayo.

UTshuma uthi bakhona njalo ababemthanda besithi wayesenza okufunwa nguzulu.

Olwela ilungelo likazulu, uNkosazana Ruth Mumbi, uthi uMoi wenza kwabalenzondano eyesabekayo kwele Kenya.

“Ngimkhumbula njengomuntu owayencindezela uzulu, umuntu owayebusa ngochuku njalo wayengafuni ukuchothozwa. Wayekhuthaza inkethabetshabi elokhu imemetheka elizweni. Lokhu yikho okwenza ukuthi asuswe embusweni.”

Ingxoxo Eziyenze LoMnu. Joseph Tshuma
please wait

No media source currently available

0:00 0:01:53 0:00


XS
SM
MD
LG