amalinks wokungena

Breaking News

Abanye Sebesithi uMugabe loMnangagwa Zimbila Zantabanye Ekukhwabitheni Ukuphapha


Owayengumongameli, uMnu. Robert Mugabe loMongameli Emmerson Mnangagwa
Owayengumongameli, uMnu. Robert Mugabe loMongameli Emmerson Mnangagwa

UMongameli Emmerson Mnangagwa ngoMvulo ukhulume emhlanganweni wenkokheli zenhlanganiso lamankampani atshiyeneyo, ama CEO, avela emazweni ezwekazi le Africa, emhlanganweni we 2018 Africa CEO Forum owenzelwa kwele Ivory Coast.

UMnangagwa utshele lumhlangano ukuthi abafuna ukuzosungula amabhizimusi bengethuswa ngumthetho wokuthuthikisa abensundu, owe Indigenization, ukuthi awusoze ubenqabele ukwenza umsebenzi eZimbabwe ngoba sowagululwa okokuthi awusabambi ngamandla abokuza ukuthi baphe izizalwane ze Zimbabwe ingxenye yezabelo zamankampani abo.

Kusesenjalo, bakhona asebeqalisile ukukhonona ngenhambo zikaMnangagwa abathi sezinengi njengalokho okwakusenziwa ngowayengumongameli, uMnu. Robert Mugabe.

Ukuhlaziya loludaba sixoxe lengcwethi ecubungula ezombusazwe, uMnu. Ngqabutho Nicholas Mabhena.

“Ekuqaliseni sithe sikuzwa besizwe kuthiwa angani ubezama ukuthi ayazise abangane bakhe kumbe abakhokheli abase SADC ukuthi nguye osengumongameli njengoba iSADC yiyo esiphakathi kwayo. Lokuthi iZimbabwe ingaphathiswa njani ukuthi ithuthuke kwezomnotho. Manje njengoba esesiya kobo Ivory Coast asiboni ukuthi lelolizwe lizasincedisa njani,” kutsho uMabhena.

Uthi kulokunengi okwathenjiswa nguMnangagwa lapho egcotshwa kodwa akula ngitsho okukodwa asekufezile esithi osekubonakele yikusayina nje kuphela izivumelwano njengalokho okwakusenziwa ngowayengumongameli Robert Mugabe.

UMabhena uthi ubona ngani uMnangagwa uthanda ukuhamba kakhulu ngoba ubesemhlanganweni we African Union ngeviki edluleyo kade kuzenza kube lula ukuthi abone inkokheli yalawo mazwe kulokubalanda ngamunye ngamunye emazweni abo.

UMabhena uthi ukusuka elizweni kukaMnangagwa esiya phandle kwelizwe kulokukhankasela ukhetho oselufika kutshengisa ukuthi kungaba kukhona akuthembileyo.

“Lokho kuyasitshengisela ukuthi uMnangagwa uyazi vele ukuthi uzangqba ngoba ukhetho luphethwe ngabe military,” kutsho uMabhena.

please wait

No media source currently available

0:00 0:02:19 0:00

XS
SM
MD
LG