amalinks wokungena

Breaking News

Abaphila leDiabetes Bakhuthazwa Ukuzivikela Ukubambela iCovid 19


Diabetics Association of Zimbabwe

Ingcwethi kwezempilakahle, zithi kuqakathekile kakhulu ukuba abantu abaphila lomkhuhlane wetshukela, owediabetes, bazivikele okuzwayo ukuthi bengabanjwa yisifo seCovid 19 ngoba belomzimba ovele uhlukuzekile ngediabetes ngakhoke ungeke wenelisa ukuba lamasotsha eneleyo wokulwisa leso sifo.

Eyinye yalezi ngcwethi nguDokotela Norman Matara, othi lesi sifo sihlasela ngolaka labo abayabe bevele bephila lezinye izifo ezigoqela yona i-diabetes.

“Sibona ukuthi abanengi kumfa esilazo ze Covid 19 ngabantu abale Obesity kumbe njalo I Diabetes njengezinye zezifo okuthiwa ngama co-mobidities osokudinga ukuba bezinakekele kakhulu zikhathi zonke.”

Uqhubeke ethi phezu kokulandela konke okudingakalayo phansi kweziqondiso zokuzivikela kugciwane leli abantu abale diabetes kumele beqakathekise ukuhlolwa isimo setshukela egazini, besebenzisa imithi yabo kakuhle lokuyahlolwa ngodokotela zikhathi zonke.

U Senator Michael Carter umgcinisihlalo wenhlanganiso ye Bulawayo Help Network uthi inkinga, enkulu isebantwini asebebadala, abangelayo imali yokuthenga okokuzivikela.

“Intengo yemithi nje ngokwayo Iphezulu ayiseneleseki ukuthi asebegugile laba ku ma pension benelise ukuyithenga njengokudingakalayo kubangelwa ngumumo womnotho okuyinto etshiya umumo wabo abantu abanje umubi kakhulu “

Uzulu olezifo ezitshiyeneyo ucina esebanjwa ngamandla ukudinga ezinye indlela zokwelatshwa ezingela ndleko enkulu. Udokotela George Danda uthi eyinye indlela ayisebenzisayo yindlela yeNaturopathy.

“I-naturopathy yindlela ekholwa ekuthini umzimba womuntu ngokwawo kusiya ngemvelo ulakho ukuzelapha okuthiwa hi Inert healing power.”

Uthi leli zinga lokwelapha seliphathise kakhulu abanengi njalo lilakho ukuphathisa lakusifo se diabetes .

“I Naturopathy ile banga elikhulu elidlalayo. Singakhangela sibona ukuthi iDiabetes I bangelwa yindlela esiphila ngayo esithi yi lifestyle abantu besidla lokudla kwalezinsuku okunye okucina kuyimbangela yezifo ezifana lalezi”

Lonyaka U hulumende wabhalisa okusemthethweni I khansili ye Naturo therapy council equba imisebenzi enje. Ngenxa yobunzima kwezomnotho sokusanda abantu beZimbabwe, abathengisa imithi yendulo yama herbs abathi iyelapha izifo ezitshiyeneyo okugoqela le diabetes.

Kodwa uDokotela Matara uthi njengabo dokotela abafundela lumsebenzi bakholwa kuphela kumithi eyahlolwayo ngohulumende esebenza ngendlela eyazakalayo phansi kweziqondiso ezeScience.

“Siyabe sifuna ukwazi ukuthi umuthi lowo uphazamisa njani umzimba womuntu okufana le zinso , isibindi lokuthi awuphazamisi na kubo mama abazithweleyo.”

Inhlolisiso eyacina ukuqhutshwa lugatsha lwezempilakahle ngomnyaka ka2006, yaveza ukuba isilinganiso sokulitshumi ekhulwini-10% sabantu be Zimbabwe baphila lesifo seDiabetes. AbeDiabetec Association bona bathi okwamanje babona lesi silinganiso sesingabe sidlalela kumatshumi amabili ekhulwini-20%, ngoba kungasabanga lenye inhlolisiso kusukela ngaleso sikhathi. Bathi njalo inengi lasebekhulile abakupentsheni yibo abababonayo sebehlaselwa yizifo ezinjengabotshukela, abacina besiza kibo ukuzodinga uncedo lokuthi belatshwe kodwa labo behluleke ukubapha uncedo olupheleleyo kungenxa yokuswela imali.

Uhulumende weZimbabwe uthi uphakathi kokulungisisa, ukusebenza kogatsha lwezempilakahle ukuba luthuthukiswe lwenelise ukusebenzela uzulu, kodwake okwakhathesi loluhlelo soluphanjaniswa yikuqhamuka kweCovid 19.

Udaba Esilethulwe nguMark Peter Nthambe
please wait

No media source currently available

0:00 0:04:07 0:00

Facebook Forum

XS
SM
MD
LG