amalinks wokungena

Abaphila Ngokuthengisa Impahla Emigwaqweni Benza Umhlangano Omkhulu

  • Mavis Gama

Abaphila ngokuthengisa impahla benza umhlangano omkhulu.

Abaphila ngokuthenga bethengisa impahla edolobheni leHarare benze umhlangano omkhulu ngoLwesibili eAnglican Cathedral lobanje bebesethuselwa ngamapholisa.

Bebezonde began’unwabu emhlanganweni lo lapho abaveze ukuhlukunyezwa kwabo ngamapholisa emigwaqweni ngesikhathi bethengisa impahla etshiyeneyo.

Bazonde bagan'ungwabu abathenga bethengisa impahla ...
Bazonde bagan'ungwabu abathenga bethengisa impahla ...

Kabazange bawanake amapholisa abehlomile ngezikhali ezibalisa induku lokunye okunenginengi okusetshenziswa ukuhlukumeza uzulu ngesikhathi begombolozele lindawo lapho bekusenzelwa khona umhlangano.

Lo ngumhlangano wakuqala ukuqhutshwa ngabaphila ngokuthengisa laba, selokhu uMongameli Robert Mugabe wethula isiqondiso sokuthi basuswe emigwaqweni yedolobho, esithi bangcolisa idolobho leHarare.

Nanku obekulotshwe ezigqokweni zabathenga bethengisa impahla ...
Nanku obekulotshwe ezigqokweni zabathenga bethengisa impahla ...

UMnu. Gift Bvunzawabaya, ngomunye osesemutsha ophila ngokuthengisa impahla ongazange anake ukuba khona kwamapholisa wazangena umhlangano oqoqwe ngabenhlanganiso ye National Vendors Union of Zimbabwe (NAVUZ) ekhokhelwa nguMnu. Stan Zvorwadza.

UMnu. Dube laye ophila ngokuthengisa uthi udaniswa yikwenza kwababathathela impahla abasuka bazithaphuzele yona.

UDube uthi kumqoka ukuba abaphila ngokuthengisa njengaye bamanyane bakhulume lizwi linye ngalizwi linye, ukulungisisa lenkinga asebebhekane layo.

Umgcinisihlalo weNAVUZ, uMnu. Stan Zvorwadza, utshele intathelizindaba ukuba abethuswa yikuba khona kwamapholisa wona abe eze ngobunengi.

Uthe benze konke ngokusemthethweni bazise abomthetho njengalokho okutshiwo ngumthetho we-Public Order and Security Act wona ongakhulumi lutho ngezokuthi kumele banikezwe imvumo.

Abanye abangena umhlangano lo eHarare.
Abanye abangena umhlangano lo eHarare.

Uxwayisa amapholisa ukuba ehlukane lomkhuba wokuhlukumeza lokutshaya abaphila ngokuthengisa lapho bebasusa emigwaqweni abathengisela khona.

Bakhona abaze ukuzasekela lumhlangano abaqonqosele abaphila ngokuthengisa ngokuqakatheka kokuphatheka kukhetho, kungenye yendlela engasiza ukulungisisa inkinga ilizwe elibhekane lazo.

Omunye wabo nguMnu. Doug Coltart, ingqwetha elilwela ilungelo loluntu othe kumele abathenga bethengisa impahla babelamandla okuzilwela.

lamagqwetha alwela ilungelo loluntu.

Abaphila ngokuthengisa bathi bazovukela mihla yonke belubhekise emawofisini ogatsha lwezisebenzi lenhlalakahle kazulu, ukuyadinga usizo luze lulungisiwe udaba lwabo.

Facebook Forum

XS
SM
MD
LG