amalinks wokungena

Breaking News

Abaphila Ngokuthenga Lokuthengisa Impahla Bakhuthazwa Ukuzama Ezinye Indlela Zokudinga Imali


Abathengisa Impahla Ezehlukeneyo

AbeZimbabwe abaphila ngokuthenga lokuthengisa impahla emazweni angomakhelwane afana leBotswana leSouth Africa, sebekhuthazwe ukukhangela ezinye indlela zokuqhuba umsebenzi ngesikhathi belinyazwe kakhulu yikumemetheka komkhuhlane weCovid-19.

AbeZimbabwe abaphila ngokuthenga lokuthengisa impahla emazweni angomakhelwane afana leBotswana leSouth Africa, sebekhuthazwe ukukhangela ezinye indlela zokuqhuba umsebenzi ngesikhathi belinyazwe kakhulu yikumemetheka komkhuhlane weCovid-19.

Umqondisi wenhlanganiso yeBulawayo Vendors and Traders Association, uMnunzana Michael Ndiweni uthi kuqakathekile ukuthi abakubhizimusi yokuthenga bethengisa impahla bechapha imngcele, badinge indlela ezintsha zokuthola imali.

UMnumzana Rodwell Moyo, othengisa okufana lemithi yenkomo emadolobheni atshiyeneyo kweleBotswana, ukhala ngokuthi i Covid-19 isibalimaze kakhulu esikhwameni.

UMnumzana Rodwell Moyo, othengisa okufana lemithi yenkomo emadolobheni atshiyeneyo kweleBotswana, ukhala ngokuthi i Covid-19 isibalimaze kakhulu esikhwameni.

Kulenengi labeZimbabwe abakubhizimusi yokuthenga ikakhulu impahla yezigqoko kweleBotswana leSouth Africa besiyathengisa emkambo yama Flea Market.

Inhlanganiso ebona ngokungena lokuphuma kwabantu emazweni, eye International Organisation for Migration (IOM) ithi umkhuhlane weCovid-19 usulimaze kakhulu ibhizimusi labaphila ngokuthenga lokuthengisa, bechapha imngcele.

I-IOM ithi ibhizimusi edalwa ngabathenga bethingisa impahla bechapha imngcele iyenza okufika amatshumi amane ekhulwini, kuyo yonke ibhizimusi yokuthengiselana emazweni asemhlubulweni weSADC.

please wait

No media source currently available

0:00 0:02:54 0:00


Facebook Forum

XS
SM
MD
LG