amalinks wokungena

Breaking News

Abaphila Ngokuzisebenza Bona Bathini ngeKhisimusi


abaphila ngokuthengithengisa ezithaladeni
abaphila ngokuthengithengisa ezithaladeni

Abaphila ngokuzisebenza lokuthengithengisa bakhala ngokuthi liKhisimusi yalonyaka ikhanya ingasoze isebenzeke lula ukuze baselele imuli zabo nxa kuqakathaniswa leminyaka edlule, ngoba abathengi bengela mali yokuthenga.

UNkosikazi Shylet Magasa olomkambo uthi lonyaka ubhekana lobunzima ukuthola abathengi okokuthi seqatshe abafana ababili ukuba bebize abafuna ukuthenga:

Umnumzana Elijah Mutemeri osebenza exwayisana labasebenza ngokuzenzela uthi kulodubo olukhulu oluphazamisa imisebenzi yabo kusengezelelwa yimithelo ebuhlungu ikakhulu ngesikhathi esinje sikhangelane lekhefu.

Unkosazana Thokozani Khupe
Unkosazana Thokozani Khupe

Unkosazana Thokozani Khuphe umsekeli womkhokheli webandla le MDC-T utshele idale le phalamende ukuba ukwehlisa okwenze uhulumende ku budget yakhe lo nyaka imali ye rebate ukuba ibe phezulu kuphazamisa imisebenzi yabazisebenzayo ethi kayengezelelwe imali umuntu angathenga ngayo ingela duty ifike kumadollar angamakhulu amane- $400.

Okhekhela inhlanganiso ye Zimbabwe Informal Economy Association unkosikazi Lorraine Sibanda sikhuluma kanje uthi abasebenza ngokuzenzela kanje bathwele nzima emingcweleni okuphazamisa imisebenzi yabo.

Uthi inkinga lezi zengezelelwa yikwanda kwabantu abagunyulwa emisebenzini okuqale ngenyanga kaNhlangula lonyaka okwehlise inani labantu abeleholo abayibo abathengayo, abakuthengisayo.

Umnumzana Fanuel Muperi ohlala emzini weKuwadzana uthi lasezitaladeni lonyaka azibonakali kangako izinto ezihambelana lo Khisimusi ezifana lezokucecisa ama decoration lokunye kuthengiswa okuyinto ebulala idlabuzane le Khisimusi.

UmnumzanaObert Dube othengisa insimbi elungisa lamatafula okudlalela esedolobheni uthi noma izinto zivamile ukuhlupha ngomumo wezomnotho lonyaka kunzima ethi nga uhulumende uyanceda ngezikwelede :

UMutemeri uthi noma abazisebenzayo bengathola usizo olunje lokhe kulenkinga yokusilela kwemali ngokwayo labantu abangathenga okuthengiswayo ngendlela ezwayo:

Noma kunjalo abathengisayo lokhe bequbekela phambili bezama ngayoyonke indlela ukuthengisa:

Inengi labantu lasuswa emadolobheni besiwa endaweni ezikhatshana labantu ukuze beyosebenzela kizo abanye bacina betshiya imisebenzi enje ngokuhlala begijinyiswa ngamapolisa lo masipala.

XS
SM
MD
LG