amalinks wokungena

Breaking News

Abaqhuba Uhlelo lweOperation Dudula Sebethwalise Nzima Abadabuka eZimbabwe


FILE: Abanye okuthiwa kabalamaphepha aqondileyo basebenza emapulazini.

Abasungule uhlelo lweOperation dudula kweleSouth Africa oluhlose ukuxotsha abakwamanye amazwe kulelozwe, lokhu beqinisa elokuthi loluhlelo luzasungulwa endaweni zonke zelizwe.

Izizalwane zakwele South Africa ezingafuni abokuza kulelo lizwe zithi azibuyeli emuva ngohlelo lweOperation dudula.

Kuloluhlelo abakweleSouth Africa laba bahamba bengena ezitaladeni, ezitolo, emikhambo lezindlini kwezinye indawo besithi bazingela labo abaselizweni ngokungekho emthethweni.

UMnu. Simpiwe Shabangu ngomunye wabakhokhela lezinhlelo elokitshini leYeoville elihlala abeZimbabwe abanengi.

“We are against the lawlessness that we see mainly being done by these undocumented foreign nationals. Laba abaseMzansi ngokungemthetho abahlupha even taxi owners, taxi drivers because kukhuthuzwa even ama customer abo labo abazogibela erenkini. Abahambe we are unapologetic about that.”

Emavikini edluleyo kusabalele imifanekiso eminengi lamavideo, enkundleni zebulenjini be internet izizalwane zakwele South Africa ezikuloluhlelo zixotsha abakwamanye amazwe abathengisa emikhambo lezitaledeni ikakhulu erenkini yemitshova eBaragwanath eSoweto.

Isizalwane seZimbabwe esilwela amalungelo oluntu, uNkosazana Nobuhle Ajiti, ngomunye okhulume lalabo abathathelwe impahla.

“Bekulabobhudinje abakade behamba bephethe imvubu bethi abafuni amaforeigner lapho. Sasesihambake door to door sibafuna labo bantu. Sawatholake lawo ma foreign nationals axotshiweyo lapho abakade bethengisela khona. Inhliziyo yami ibuhlungu ngalokho engikubonileyo. Uma betsho bona ngawabo amazwi bathi kumnyama phambili kumnyama emuva abazi lokuthi benzeni baqalephi.”

Kodwa uMnu. Shabangu uyaphika ukuthi kuloluhlelo abantu bayahlukunyezwa bathathelwe impahla zabo. Uthi benza loluhlelo besebenzisana lamapholisa.

“Our operations are happening peacefully. We don’t loot, we don’t even take a sweet estradweni. Umuntu uthatha izinto zakhe ahambe nazo. Where sazi khona ukuthi ungene ngokungemthetho bekuyistand se South African, sisibuyisela kumSouth African. They must go back to their country. Bezengendlela eright documented.”

Loluhlelo selutshiye inengi lezizalwane zeZimbabwe zethuke kakhulu. Abanye bethesa umlandu amabandla ezombusazwe abalisa eleEconomic freedom fighters, I Action SA lePatriotic Alliance alenkokheli ezitshotshozela ukukhitshwa kwabakwamanye amazwe emisebenzini lelizweni.

Umkhokheli wenhlanganiso yeAfrican Diaspora Forum umnumnzana Vusumuzi Sibanda uthi lesi yisimo esiyingozi esidinga ukuthi uhulumende asukumele phezulu.

“Kuzokwenza ukuthi isimo siqhubeke sisiba sibi kakhulu ikakhulukazi ngabantu bokuza. Kuyinto mpela esiyibonayo ukuthi kuzoba yinkinga njalo iyodala udushe olukhulu kakhulu.”

Kusenjalo, ihofisi yomeli weZimbabwe kweleSouth Africa ithi isithole imbiko evela kuzizalwane zeZimbabwe eJohannesburg lesabelweni seLimpopo zisithi sezitshelwe ukuthi kungafika isikhathi esithile zingabuyelanga kubo zizawukhomba olotshwala.

Embikweni owethulwe yile ihofisi izolo, ikhuthaze abeZimbabwe abazithola sebesesimeni esiyingozi esidinga ukungenela kwayo ukuthi babhalele kunombolo zeWhatsapp ezehofisi yomeli weZimbabwe ePretoria u 063 712 6156 kumbe eConsulate yeJohannesburg ku082 824 9435 kumbe kuConsulate ye Cape Town ku 0673794379.

Facebook Forum

XS
SM
MD
LG