amalinks wokungena

Breaking News

IZEC Isizaba Lelungelo Lokuncedisa Abantu Abadinga Incwadi Eziveza Abahlala Khona


Ikhomishini yeZEC isilelungelo lokubhalela abantu eziveza lapho abahlala khona.

Ikhomishini ebona ngezokhetho eyeZimbabwe Electoral Commission (ZEC) isizavunyelwa ukunikeza abaphathisa uzulu ukubhalisa kugwalo lokuvota amandla okunika isiqiniseko sobufakazi ukuba ngama Commissioners of Oath.

Kuhlandla lokuqala lokubhalisa kugwalo lokuvota koBulawayo kube labantu abanengi ababiselwe emuva ngenxa yokuswela ubufakazi bokuthi bahlala ngaphi.

IZEC ithi lokhu kwenzelwa ukuthi kusizwe labo abehluleka ukubhalisa ngenxa yokusweleka kobufakazi bokuthi umuntu uhlala ngaphi.

Ihlandla lesibili liqale mhlaka 29 ngoMfumfu liyegqitshwa mhlaka 13 ngoLwezi.

Umkhokheli webandla eliphikisayo eleMDC, uProffessor Welshman Ncube, uthe iBiometric Voter Registration (BVR) ngokwayo iyavikela ukuthi umuntu abhalise kabili ngakho iZEC kumele ilalele izikhalazo zikazulu isuse ukudingakala kwalobo bufakazi.

Ihlandla lakuqala lokubhalisa liphele ngeviki edlulileyo koBulawayo sokubhalise abantu abayisilinganiso esedlula inkulungwane ezingamatshumi amathathu lanhlanu.

UMnu. Lungisani Moyo, omunye wabehluleke ukubhalisa kuhlandla lakuqala, uthi inyathelo leZEC lamukelekile kakhulu ngoba yena ubesekhalele ukubhalisa ngenxa yokuswela ubufakazi obudingakalayo.

Ihlandla lesibili lokubhalisa liqale mhlaka 29 ngoMfumfu kodwa indawo ezihlolwe yiStudio 7 bezingaphithizeli okutshingisa ukuthi uzulu koBulawayo ulokhe engakhuthalelanga ukubhalisa ukuvota.

UNkosikazi Nkosinesisa Ndlovu uthe uyalithakazelela inyathelo leZEC elokufaka oCommissioner of Oath ngoba yena obakhe ubufakazi balapho ahlala khona bungekho ebizweni lakhe.

Umgcinisihlalo weZEC, uJustice Rita Makarau, uveze ukuthi kuhlandla lakuqala iZEC ibhalise abantu abangaphezu kwesigidi endaweni ezizinkulungwane ezimbili lamakhulu amahlanu (2,508).

Ihlandla lesibili lizaqhuba kuze kuye fika mhlaka 13 ngoLwezi, kuthi elesithathu liqale mhlaka 16 lwezi kusi ku1 Mpalakazi. Elokucina liyaqala mhlaka 4 Mpalakazi kusiya ku19 Mpalakazi.

Facebook Forum

XS
SM
MD
LG