Abasekeli beZanu PF Batshaye Isotsha Balikhumula Amazinyo

Lwezi 30, 2021

Zanu PF Supporters Celebrate Concourt Ruling Zimbabwe Elections

WASHINGTON DC —

Kulowesilisa obikwa esithi ulisotsha otshaywe ngabasekeli beZanu PF kakubi bamkhumula amazinyo koBulawayo ngoMvulo.

Inkundla yeZimLive ithi isehlakalo lesi senzakalele phakathi kuka10th lo11th Avenue esitaladeni sikaGeorge Silundika.

Linkundla ithi umatshaywa uzame ukumisa omunye undoda obenze ingozi ngemota ukuthi engasuki amapholisa engakafiki.

Ithi umamiswa usuke watshayela abasekeli beZanu PF ucingo - abanakanelwa ukuthi ngabanye bakhe - basebetheleka bengasadlanga nkotshana.

Befika lapho bahlasele umamangala bamjikela emoteni yeZanu PF bezama ukumthumba.

Kule-video eveza ukuhlaselwa kwalundoda kanye lemota yeZanu PF ebisetshenziswa elenombolo ezithi AEN7705. Kubikwa kubotshwe abantu ababili phezu kwalesi sehlakalo.

Obona ngokwethulwa kwemibiko kuZanu PF uMnu Tafadzwa Mugwadi utshele iStudio 7 ukuthi bebengakabi lolwazi olwaneleyo ngokwenzakeleyo.

Embed

Ingxoxo loMnu Tafazwa Mugwadi

by VOA

No media source currently available

0:00 0:00:47 0:00

Kodwa isiphathamandla sogatsha lwabatsha kulelibandla uMnu Mabutho Moyo, ohlala koBulawayo uthe abaphatheke kulesisehlakalo yizigebengu ezimele zibotshwe.

Embed

Ingxoxo loMnu Mabutho Moyo

by VOA

No media source currently available

0:00 0:00:25 0:00

Isikhulumeli seMDC Alliance koBulawayo uMnu Swithern Chiroodza utshele iStudio 7 ukuthi isehlakalo lesi siveza sobala ubudlova babasekeli beZanu PF.

Embed

Ingxoxo loMnu Swithern Chiroodza

by VOA

No media source currently available

0:00 0:03:27 0:00