amalinks wokungena

Breaking News

Abathengisa Ucansi Bafuna Ukusebenza Okusemthethweni


Badlana ingqono emhlanganweni kwele South Africa ...

AbeZimbabwe abaphila ngokuthengisa ucansi kwele South Africa sebemanyene labanye babo kulelolizwe besithi kwethulwe umthetho ozavumela ukuthi benze umsebenzi wabo ngokusemthethweni.

Isizalwane seZimbabwe, esikhethe ukwaziwa kuphela ngokuthi nguNkosazana Linda, olwela amalungelo abathengisa ucansi esabelweni seLimpopo enhlanganisweni yeSisonke uthi sebediniwe ngokusebenza bebalekela amapholisa.

Abangene umhlangano eJohannesburg ...
Abangene umhlangano eJohannesburg ...

“Ukwenqatshelwa lokhu kuyasibulala. Ukwenqatshelwa lokhu kwenza abantwabethu balambe. Ukwenqatshelwa lokhu kusehlisa izithunzi. Lapho esihamba khona abantu basikhomba ngeminwe njalo abazwisisi ukuthi nhloboni yomsebenzi esiwenzayo.”

Ungethekelela izitalada ezibalisa uNugget edolobheni leJohannesburg, emini loba ebusuku kulenani elikhulu labesifazana abathengisa ucansi. Endaweni zabathengisa ucansi emadolobheni atshiyeneyo ikakhulu eGoli emalokitshini abalisa iHilbrow, Berea, Yeovile lakho kugcwele phamu abesifazana lapho, inengi labo kungabe Zimbabwe.

Ngokutsho kombiko owethulwe yinhlanganiso yeHuman Rights Watch leye Sex Workers Education Advocacy Taskforce, abathengisa ucansi kweleSouth Africa basebenzela endaweni eziyingozi becatshile, bayabotshwa, betshaywe kanye lokudlwengulwa ngamapholisa labanye abathenga ucansi. Sebesesaba njalo ukuthwala amajazi omkhwenyana ngoba kuyibo ubufakazi obubonwa ngamapholisa. Lokhu sekubafaka engozini yokumemethekisa ingciwane lengculaza lokulithola.

ULinda uthi lokhu kwenza impilo ibenzima ikakhulu kulabo abavela eZimbabwe.

Umhlangano owenzelwe eJohannesburg
Umhlangano owenzelwe eJohannesburg

“Okwakuqala umsebenzi abawenzayo awukho emthethweni kanti inengi labo liseSouth Africa ngokungekho emthethweni. Yingakho nxa bengabotshwa bethengisa ucansi, bafika enkambeni sebesetheswa elinye icala lokweqa umthetho wokungena elizweni.”

UNkosikazi Mary Nxumalo owenhlanganiso yezisebenzi kweleSouth Africa eye COSATU uthi umsebenzi wokwabelana ucansi ufana leminye yonke imisebenzi ngakho ilungelo labawenzayo kufanele lihlonitshwe.

“Banalo ilungelo lokuthi basebenze ukuthi bakwazi ukondla abantwana babo. Sizimisele ukuma nabo. Ukubasupporter ngaso sonke isikhathi njengabasebenzi. Umsebenzi wethu yikumela abasebenzi, siyekhona nasephalamende siyofuna ukuthi idecriminalayizwe i sex work ukuthi nabo bakwazi ukondla abantwana babo.”

Omunye wabalwela amalungelo abathengisa ucansi laba, unkosazana Nosipho Vidima, uthi isicelo sabo lesi sokuthi bavunyelwe ukusebenza ngokusemthethweni asipheleli eSouth Africa.

“Uma ubhekanje kuwowonke lamazwe alapha eAfrica, ama sex worker uma ukhuluma lawo wonke acela udecriminalisation. And ngo decriminalization amasex worker awaceli ukuthi bacelanje ukuthi kubhebhethekenje industry ye sex work, bathi bacela ukhuseleko kuwo wonke amapresident ama African countries.”

Loba kunjalo bakhona abaphikisana lokuba semthethweni komsebenzi wokuthengisa ucansi besithi wehlisa isithunzi sabomama, ubangela ukuhlukunyezwa kwabomama, ubangele ukumemetheka kwegciwane lengculaza, uphinde ubangele ukuthunjwa kwabesifazana besiyabanjwa ngamandla ukwenza lumsebenzi.

Udaba Esilethulelwe NguBenedict Nhlapho
please wait

No media source currently available

0:00 0:03:32 0:00

Facebook Forum

XS
SM
MD
LG