amalinks wokungena

Breaking News

Abatsha Badinga Ingubo Zokunika Abaswelayo


UMnu. Simanga Zhou.
UMnu. Simanga Zhou.

Abatsha benhlanganiso ye Give A Blanket Give Warmth ngoLwesine baphathise abaswelayo eHarare ngokubapha ingubo ngesikhathi lesi samakhaza.

Abatsha laba benhlanganiso ye Give A Blanket Give Warmth benze umhlangano lapho abaphe khona abadubekayo ingubo eAlexander Club eHarare.

Osakhulayo, uSimanga Zhou, uthi kulabantu abanengi abaswelayo abamele batholiswe ingubo, izigqoko ezikhudumalayo lesobho.

Omunye osakhulayo okunhlanganiso le, uTafadzwa Nyamuzihwa, uthi ujabuliswa lusekelo lukazulu esithi okudingakalayo yikuba abantu bengezelele uthando bezinikele ukuphathisa noma impilo inzima ngenxa yomumo wezomnotho.

UZhou uthi lumbuthano ube ngowalamhlanje kodwa uhlelo lwabo njengenhlanganiso bahlala besebenza nsukuzonke bezimisele ukwamukela kulabo abalenhliziyo ezijabulela ukusiza abanye kungenani lembuthano enje.

Linhlanganiso ilamalunga abasakhulayo abahlangana besafunda bonke. Banikeze usizo kunhlanganiso ezintathu eziphatisa abaswelayo labaphila lobugoga abenhlanganiso ezibalisa iPatricia Jabangu Children’s Home, Jairos Jiri le Renewed Hope Foundation njalo ithi ikhangelele ukuqubekela phambili ngemikhankaso yalo.

XS
SM
MD
LG