amalinks wokungena

Breaking News

Abatsha Bakhala Ngodaba Lwenkohlakalo


Ingcwethi zezombusazwe ezeZimbabwe, zithi udubo lwenkohlakalo soludale umonakalo omkhulu elizweni ongafaniswa lemvukuzane esibulele ilizwe. Lezi ngcwethi sithi njalo loludubo soludala ezinye inhlupho ezigoqela ukusilela kwemisebenzi elizweni ikakhulu kwabasakhulayo.

Ngakhoke intsha yeZimbabwe ithi isikubona kufanele ukuthi isukume ngalizwi linye ikhuthaze ukukhulumisana ngaloludaba kabanzi phakathi kukahulumende, inhlanganiso ezilwela amalungelo oluntu lezinye inhlangothi zempilo ezitshiyeneyo.

Omunye walezi ngcwethi ngumnumzana Calvin Manduna isizalwane seZimbabwe esesihlala eMelika. UNduna utshele uMike Hove oweStudio 7, ukuthi inkohlakalo eZimbabwe yiyo esiphambanisa intuthuko yomnotho walelo lizwe kanye lezokubuswa kwalo.

uMnumzana Calvin Manduna
uMnumzana Calvin Manduna

“Siyezwa uMongameli Mnangagwa ekhuluma ngama Cartels, siyezwa uChief Justice laye ekhala ngendaba yecorruption, iZACC layo ikhona iyakhala but seems ingani ayilamandla ukuthi ibophe amasela, nxa bebopha siyabona ukuthi kuyabotshwa inhlanzi ezincane, kodwa ama big fish akhanya ngani kathinthwa,” kutsho uManduna.

Enthinda udaba lokuthi uhulumende kaMongameli Mnangagwa uyasebenza gadalala na ukuqheda udubo lwenkohlakalo elizweni, uManduna uthe ubona ngani uhulumende kaMongameli Mnangagwa uyamotsha isikhathi sabantu, ngenxa yokuthi enengi labantu abake babotshwa ngendaba zonkohlakalo, kanengi bayaphuma.

“Indaba ekaNkosikazi Prisca Mupfumira ayikapheli. Lizakuzwa sekuthiwa amanye ama charges were not successful and dropped or she has been acquitted. Silokhe silinde ukuzwa ukuthi izaphela njani icase leyana. Sikhangela icase ekaObediah Moyo, I think the consensus yikuthi it is a catch and release case. Nxa kade ulandela ama allegations it implicated abantu abanengi, and abantu who are politically connected, kodwa kubotshwa yena kuphela, and ukubotshwa kwakhe kuyatshengisela ukuthi akula seriousness, he is not handcuffed njalo ibail is set and $600 USD for umuntu accused of $60 million fraud,” kutsho uManduna.

Ingxoxo esiyenze loCalvin Manduna
please wait

No media source currently available

0:00 0:03:54 0:00

Facebook Forum

XS
SM
MD
LG