amalinks wokungena

Breaking News

Abatsha Bebandla leMDC-T Bathwalele Ubhulo 'Abaphikisana Lezifiso' Zika Tsvangirai

  • Mavis Gama

FILE: Abatsha ababetshengisela phandle kwamawofisi ebandla leMDC-T.

Intsha yebandla le Movement for Democratic Change (MDC), eyeYouth Council Assembly, ithi isekela konke okwethulwa ngumkhokheli webandla leli, uMnu. Morgan Tsvangirai, njalo kayifuni kuzwa abanye abakhokheli bebandla leli bememethekisa inzondano.

Bethule lokhu kulandela umhlangano abawenze eHarare ngoLwesibili owesiphangiphangi wokuhlaziya ukuxokozela osekusenzakala ebandleni kulandela ukudonselana amandla phakathi kwabasekeli bakamongameli, uMnu. Nelson Chamisa loMnu. Elias Mudzuri.

Abatsha laba bathi bazaqhubekela phambili besekela umanyano wamabandla aphikisa elibusayo owe MDC Alliance njengalokho okwethulwa nguTsvangirai.

Abasakhulayo laba baxwayise amalunga asezikhundleni zokukhokhela kwezinye inhlangothi ukuba zehlukane lokubangela ukuxokozela ebandleni, zisethula imibiko ephambana lokutshiwo libandla.

Umhlangano lo, owenzelwe emawofisini alelibandla le MDC, eHarvest House ukhuthazwe ngokwenzakala kulelibandla osekutshiye abasekeli bedanile.

Umkhokheli waloluhlangothi lwabasakhulayo, uMnu. Happymore Chidziva, uthi bakubone kufanele ukutsho umbono wabo njengabontanga.

Umsekeli kasomlomo kuhlangothi lolu, uMnu. Vusumuzi Moyo, ulandisa ngokubafuqileyo ukungena lumhlangano njengabasakhulayo.

UMoyo uthi abasakhulayo laba bavumelene njalo ukuba kumele kuphele konke ukuxokozela osekubangelwa ngenye yenkokheli ebandleni.

Abasakhulayo laba bathi bafuna ukuba idale elimqoka ele National Council, lithathe izinqumo ezizokubeka sobala ukuba ngubani ozobamba isikhundla somkhokheli webandla njengoba umnumzana Tsvangirayi engezwa kuhle,kuphele ukudonselana osekukhona ebandleni leli phakathi kukaChamisa loMudzuri.

Bathi bakhathezekile ngendlela umbuso kamongameli Emmerson Mnangagwa usubusa ngayo njalo bathi sebekhankasela ukusuka kwawo esikhundleni.

Banqume njalo ukuba bafuna zilungisiswe izikhalazo zabamabandla aphikisayo kwezokuba kuqhutshwe ukhetho olwamukelwa ngumuntu wonke kungela mpumela ephikiswayo.

Bavuka Ubhova Abatsha Bebandla leMDC-T
please wait

No media source currently available

0:00 0:02:30 0:00

Facebook Forum

XS
SM
MD
LG