Abasebenza ngezikhathi zekhefu bathi kuthatha ukuzinikela lothando ukuba benelise ukuphathisa uzulu betshiya imuli zabo ngesikhathi abanye beyabe bephumule bejabula lemhuli zabo.
Ngesikhathi sekhefu leKhisimusi kunjenje lokhe kuphithizela abamabhasi lama khombi bethwala uzulu esiya kundawana ezitshiyeneyo zelizwe kuluthuli besithi kakuphunyulwa
Umnumzana S. Nqaza osebenza esiya ko Bulawayo uthi ukusebenza ngekhefu kunzima sibili ngoba kusitsho ukuba etshiye imhuli yakhe ngesikhathi esinje ethi noma kunjalo ududuzwa yinjongo ayabe elayo yokudingela imhuli imali.Uthi lonyaka umumo mubi kakhulu ngoba kulokuncintisana.
Uthi okwengezelela inkinga zabo kulumsebenzi ngabagibela ama bhasi abo abayabe befuna ukufika ngokuphangisa kundawo abaya kizo okucina kusenza ukuba bengawelelani.Uthi noma kungaba nje ucwayisa abanye abatshayeli ukuba bengalingi ukuvuthela isiqubu sikukhefu kanje:
Umnumzana Onward Mupakaviri ohlela indlela amabhasi la aqoqeka ngayo ethwala abantu uthi lonyaka okudanisayo yikuba alikho ibhizimusi kangako silinganisa leminye iminyaka noma umumo womgwaqo oqonda ko Bulawayo usukusimo esihle okuyinto ebakhathazayo njengabantu abasebenza ngekhefu kanje bekhangelela ukuthola imali.Umnumzana Never Magwanya uthi sekujwayele njalo lonkosikazi noma kungajabulisi uyazwisisa:
Osakhulayo ozithe ungu Priscilla obesalokhe emelele amabhasi wacina engena kuma khombi uthi aye ko Bulawayo uthi Udaniswa ngumkhuba omubi wamabhasi owokutshela abantu okungaisikho. Uthi ngaphandle kwalokhu bacina bephuza ukuyafika lapho abayakhona ngenxa yokumiswa emgwaqweni.
U Nkosikazi Nhambu gudyanga osebenza nje ngo mongikazi uthi ukusebenza kanje sekujwayele wacina edinga indlela zokuzilibazisa lemhuli ngelanga elithile ayabe engekho emsebenzini ethi noma eselesikhathi eside esebenza kuhlala kulenkinga yena labanye bakhe ababhekana lazo okugoqela ezivela kuzihlobo zezigulane.