amalinks wokungena

Breaking News

Abatshengisela Besithi Kuqatshwa AmaShona ko Pick N Pay Bamiswa Emthethwandaba Bemangobongo Ngokutshaywa


Amalunga eMthwakazi Republic Party e ZITF ko Bulawayo.

Amalunga eMthwakazi Republic Party ayisithupha etheswa umlandu wokutshaya imota yamapholisa ngesikhathi betshengisela ko Pick n Pay ngoLwesihlanu anikezwe ithuba lokuhlawula imali yesibambiso, ibail elikhulu lamadola $100.00 gamunye, njalo bazabuyela emthethwandaba mhlaka 5 Ntulikazi.

Omunye walabo ababebotshiwe uMnu. Welcome Moyo wesulelwe icala ngenxa yokuthi ubotshwe ngesikhathi evakatshela abanye ababevalelwe eCentral Police Station.

Omunye wabobotshiweyo, uMnu. Zibusiso Mkhwananzi uthi ukhahlelwe walinyazwa ngamapholisa. UMkhwanazi ufike enkantolo esehluleka ukuhamba. Inqgwetha elimela ababotshiweyo, uMnu. Prince Bhutshe Dube uthe ababotshiweyo laba bakhululwe.

“U accussed number 1 uWelcome Moyo kafakwanga ku remand ngoba siphikisane labo ngenxa yokuthi ubotshwe ngesikhathi esiyavakatshela abangane bakhe, Izizatho ebezikhulunywa ngumpholisa ziyahlekisa ngoba uthe ababotshiweyo laba bangabayanga ngakho kumele bangakhululwa,” kutsho uDube

Unobhala jikelele webandla leMthwakazi Republic Party umnumzana Ackim Mhlanga, uthi imali yebail okumele ibhadalwe yimali enengi kakhulu ethi lokhu kutshengisela ukuthi ilizwe alikakhululeki.

Kutsho uMhlanga: “Umasikhangela imali yebail yimali enkulu kakhulu uma kuqathaniswa lecala lakhona. Icala elikhona alimangalisi ngelabantu abakade betshengisela lokhu kutsho ukuthi ilizwe leli alikakhululeki lokhe libuswa ngenduku lensimbi.”

Omunye wabaxotshwa ko Pick N Pay unkosikazi Rosemary Ncube, uthi wasebenza iminyaka emithathu koPick n Pay kodwa uxotshwe ngezizathu ezingacaciyo ethi amapholisa ababophele ukubuza imisebenzi yabo besehluleka ukubopha abagangayo.

“Ngizwa ubuhlungu kakhulu ngenxa yokuthi amapholisa asibophele ukubuza imisebenzi besehluleka ukwenza umsebenzi wabo,” kutsho uNcube.

Amalunga eMthwakazi abelokhe ezama ukuthola imali yokubhadala isibambiso sebail ukuze bakhutshwe estokisini.

Facebook Forum

XS
SM
MD
LG