amalinks wokungena

Breaking News

Abazali Babantwana Abafunda Emaphandleni Badaniswa Yimpumela ye 'O' level


Abantwana abasesikolo koBulawayo
Abantwana abasesikolo koBulawayo

Phakathi kwabafundi abedlula inkulungwane ezilikhulu lamatshumi ayisitshiyangalombili 184 249 abaphumelele kuzifundo eziphezu kwezinhlanu i5 O levels baphezu kwenkulungwane ezingamatshumi amane lanhlanu 45 644.

Abazali babantwana abafunda emaphandleni sebeveze ukudana okukhulu ngempumela yemihloliso kaFomu four iOrdinary Level bekhala ngekusasa yabantwababo abangenzanga kuhle emihlolisweni.

Ugatsha lwemihloliso olweZimsec lubike ukuthi impumela yemihloliso ye "O" level yanyakenye iwile ngesilinganiso esifika isikhombisa ekhulwini 6,8% yakhala ngokuphazamiseka kwezemfundo ngesikhathi sokuvalwa kwelizwe okweLockdown.

Phakathi kwabafundi abedlula inkulungwane ezilikhulu lamatshumi ayisitshiyangalombili 184 249 abaphumelele kuzifundo eziphezu kwezinhlanu i5 O levels baphezu kwenkulungwane ezingamatshumi amane lanhlanu 45 644.

Inengi labafundi abangaphumelelanga ngabasezikolo zemaphandleni.UMnu Graidom Phiri oyisakahamuzi seMatobo uthi akumangalisi ukwehluleka kwabafundi laba ngoba uhulumende engaqakathekisi ezemfundo.

UMnu Urgent Moyo ongumqondisi wenhlanganiso yababalisi eyeProgressive Teachers Union of Zimbabwe eZansi yemaNdebeleni uthi ukwehluleka kwabafundi bemaphandleni ukuqhuba izifundo zebulenjini ngesikhathi sokuvalwa kwelizwe kudale ukungaphumeleli kwabo ezifundweni.

UKhansila kaWard 13 eGaranyemba uMnu Miclas Ndlovu laye uthi iyadanisa impumela yemihloliso ye O level yalonyaka.

Uthi njalo ikusasa yelizwe leZimbabwe iluvilibana ngoba lababafundi abangaphumelelanga bezaphenduka izikliwi okuzadala ukuthi kungabi lentuthuko elizweni.

Isikhulumeli sogatsha lwezemfundo uMnu Taungana Ndoro uthi yena ukuvalwa kweliziwe okweLockdown yikho okudale ukuthi inengi labafundi lingaphumeleli ezifundweni.

Uthi ugatsha lwezemfundo luzaphuma lamaqhinga yokufundisa ukuze abafundi bengasalele emva ezifundweni zabo ngalesisikhathi sobhubhano lweCovid 19 ukuze baphumelele ezifundweni zabo.

please wait
Embed

No media source currently available

0:00 0:03:47 0:00


XS
SM
MD
LG