amalinks wokungena

Breaking News

Abazali Bakhala Ngokungafundi Kwabantwana Ezikolo Ngesikhathi Abanye Ababalisi Bekhalele Umsebenzi


Lanxa sekudlule inyanga selokhu izikolo zavulwa inengi labafundi lihamba esikolo ukuyazikwejisela nje ngoba ababalisi bethethe inyathelo lokungafundisi kuze kwengezwe iholo labo abathi liphansi kakhulu okubangela lokuthi behluleke ukugada besiya ezikolo.

Abazali endaweni ezitshiyeneyo zeZansi yemaNdebeleni sebeveze ukukhathazeka ngekusasa yabantwababo abathi iluvilibana ngoba ababalisi bengafundisi ezikolo bekhonona ngeholo eliphansi.

Inengi labazali likhala ngokuthi sesiside isikhathi abantwabababo bengafundi kulandela ukuqhamuka kwegciwane leCoronavirus kanye lokungafundisi kwababalisi bekhonona ngeholo labo eliphansi.

Lanxa sekudlule inyanga selokhu izikolo zavulwa inengi labafundi lihamba esikolo ukuyazikwejisela nje ngoba ababalisi bethethe inyathelo lokungafundisi kuze kwengezwe iholo labo abathi liphansi kakhulu okubangela lokuthi behluleke ukugada besiya ezikolo.

Inengi labafundi bemaphandleni kulesisabelo aliphumelelanga kumhloliso kaGrade 7 yanyakenye njalo abazali bathi lokhu kubangelwe yikungafundi kwabo ngesikhathi kuvalwa ilizwe kusenqatshelwa ukumemetheka kwegciwane leCoronavirus.

Umphantintambo obona ngokukhitshwa kwembiko kahulumende uNkosikazi Monica Mutsvangwa ubike kuliviki ukuthi uhulumende uzamisa iholo lababalisi abangayi emsebenzini.

Kodwa inhlanganiso zababalisi ezigoqela iZIMTA le PTUZ zithi ababalisi kabethuki ngalumbiko kungakho abasoze balugxoba ezikolo ngaphandle kokuthi kwengezwe iholo.

Kusenjalo umsekeli kamphathintambo wogatsha lwezemfundo uMnu Edgar Moyo uthi izikolo kazisoze zavalwa lanxa kulokumemetheka kwegciwane leCoronavirus ezikolo.

Abafundi abedlula amakhulu amabili ezikolo ezigoqela iSacred Heart Esigodini leMbakwe ePlumntree batholakale belegcikwane leCoronavirus kuviki eyedlulileyo.

please wait
Embed

No media source currently available

0:00 0:04:28 0:00


Facebook Forum

XS
SM
MD
LG