amalinks wokungena

Breaking News

Abazali Lababalisi Basola AbeZIMSEC Ngokuthi Imihloliso Iyaqhubeka Ilotshwa NgoLwezi


Zimsec Logo

Abazali kanye labenhlanganiso ezimela ababalisi bathi isinqumo esifuna ukuthathwa nguhulumende esokuthi imihloliso elotshwa ngoLwezi iqhubeke lonyaka lanxa izifundi zingatholanga ithuba lokufunda okupheleleyo ngenxa yokuqhamuka kweCovid-19 eZimbabwe lasemhlabeni jikelele.

Lokhu kuza ngemva kokuba umphathintambo wezokwethulwa kwemibiko, uNkosikazi Monica Mutsvangwa etshele intathelizindaba ukuba idale labaphathintambo bakahulumende lithe imihloliso izaqhubeka ngo Lwezi.

Uhulumende uthi imihlolisa yabakusibanga sikagrade 7, abagqiba uForm 4 labaka form 6 izaqhubeka ilotshwa ngoLwezi, kungakhathelekile ukuthi isimo sezemfundo sinjani elizweni lonyaka.

Lokhu kusolwe kakhulu zinhlanganiso ezimela ababalisi ezifana le Progressive Teachers Union (PTUZ), umgcinisihlalo walinhlanganiso uMnu Takavafira Zhou esithi bazaphikisana lakho lokhu.

“Lokhu kuyinto emangalisayo sibili. Bakwenze lokhu bengakhulumanga lathi. Kuzakuba nzima ukuba kwenzakala lokhu, Iezifundi zifuna ukuba zifundiswe zingalobi imihloliso”

Isikhulumeli senhlanganiso ye Amalgamated Teachers Union (ARTUZ) uMnu Nation Mudzitirwa uvumelane lo Zhou esithi uhulumende kakumelanga athathe lesi sinqumo nxa efuna ukuvikela izifundi kuCovid-19.

“Lokhu okutshiyo nguhulumenbde asivumelani lakho. Abantwana laba inqgondo zabo kazilungelanga ukuba babhale imihloliso. Njalo nxa uhulumende engelisi ukuba abhadale ababalisi imali esiyifunayo angiboni ukuba bazaphumelela kulokhu”

Isikhulumeli se MDC Alliance uMnu Felix Mafa laye uthe njengebandla babona angani uhulumende bekumele aqale ebone ukuba izifundi zivikelekile lapho zibuyela esikolo kulandelwa iziqondiso se World Health Organisation (WHO) andubana zilobe imihloliso.

“Sizwilwe ukuthi iZIMSEC ephethe ingatsha zemfundo ibahlisi imihloliso, bathi abantwana kumele babhale. Siyazibusa thina aba e MDC Alliance ukuba bahloseni, bahlose ukudobha imali yemhloliso loba ukuba abantwana baphumelele na”

Omunye umzali uNkosikazi Emma Hlongwane uthi asibo bonke abantwana abathole ithuba lokufunda besebenzisa indlela zakulenzinsuku eze internet.

“Ngibona angani asi mqondo omuhle ngoba ayisibo bonke abantwana abangenelisa ukuba bapase. Angiboni kungumqondo omuhle ngabe bamile kancane ngoba asuye wonke umntwana olayo internet”

Wasekelwa ngomunye njalo umzali uMnu Sikhumbuzo Dube.

“Umhloliso uphuma ngokuthi umntwana ufundeni. Nxa befundile kababanikeze umhloliso kodwa nxa kuyikhuthi kabafundanga babahlolani?”

Imizamo yokukhuluma lesikhulumeli se ZIMSEC uNkosikazi Nick Dlamini yehlule ngoba ucingo lwakhe belungangeni kuthi imibuzo ayithunyelwe yi Studio 7 enkundleni yokuxhumana eyeWhatsapp akayiphendulanga.

Uhulumende uthi ngemva kokuba abantwana benelisa ukuloba imihloliso ngo Nhlangula kwangabi lalabo abawelwe yingozi yokuthelelwa igcikwane leCovid-19, kuyisibonelo esihle ngakhoke uzasebenzisa ndlela nzinye ukuba alobe imihloliso ephumelelayo ngo Lwezi.

Facebook Forum

XS
SM
MD
LG