amalinks wokungena

Breaking News

Abazali Sebekhetha Ukubhadala Ababalisi Imali Yokubakhuthaza Ukuthi Bafundise


Abazali kwezinye izikolo emhlubulweni weMatabeleland sebeqale ukubhadala ababalisi imali yokubaphathisa ukuze bathole idlabuzane lokusebenza iviki egcweleyo. Esinye sezikolo lesi ngeseMinda esikhiphe umbiko sisazisa abazali ngaleli nyathelo.

Sebekubone kufanele abanye abazali ukuthi babhadale ababalisi ukuthi bafundise abantwababo loba belokhe bedonselana lomqatshi ngodaba lweholo bethi abantwana yibo abalahlelelwa kakhulu ezifundweni, nxa ababalisi bengela sifiso sokusebenza.

Umnunzana Mkhokheli Ndlovu umzali uthi leyi yindlela enhle ukuthi abantwana bengalahlekelwa yizifundo kakhulu.

“Ngibona kungumbono omuhle ukuthi ababalisi baphiwe something, I-US$20 per term angiboni kuyimali enzima kakhulu ukuthi abazali bangayehluleka. Sesikhangela sibili singaqambelani manga ababalisi labo basebunzimeni ngoba imali abayiholayo incane kakhulu so ukuthi sibakhuthaze yikuthi sibanike khonokho okuncane ukuthi bakhuthale befundise abantwabethu labo bahambe nsuku zonke esikolo.Nxa bengabuyanga abaluzi lutho abantwabethu yibo,abazali abakwanisayo abakwenze lokho.

Kodwa uNkosikazi Sukoluhle Sithole olomtwana ofunda eMinda uthi lelinyathelo liyabasinda abanye abazali abanjengaye.

“lndaba leyi yama insentives eyamateacher ayingiphathanga kahle ngoba phezu kwama incentives basitshela ngama 20US wonalawo baphinda basitshela ngamatop up amaschool fees. I top up ye 95US + 20US konke kufunakala khathesi ngo April izikolo zingakavalwa indaba leyi inzima njalo ibuhlungu.

UNobhala wenhlanganiso yababalisi eye Progressive Teachers Union of Zimbabwe umnunzana Raymond Majongwe uthi ababalisi lokhe bengenelisi ukuthi babuyele emsebenzini.

“Ababalisi baqhubekela phambili besehluleka ukuziphilisa ngeholo labo lalapho uhulumende esebethusele. Eqinisweni ababalisi abahambayo ezikolo kabasebenzi okuyangaphi. Kundaba yemali yokukhuthaza ababalisi imali le ayeneli, abanye babotshwa abanye basemithethwandaba. Esingakutsho kubazali yikuthi bakhuthaze uhulumende ukuba aphe ababalisi iholo elaneleyo ukuze imfundo iyephambili.”

Unkosikazi Sanele Ncube omunye wabazali uthi imali okumele zinikwe ababalisi akumelanga zibazwise ubuhlungu ngoba ubunzima busemuntwini wonke.

“Okwenzakalayo lokukhulunywayo siyakuzwa kodwa ebesikukhalela yikuthi imali ababalisi abazifunayo singakhamani ngoba sonke sifuna ukuncedana njalo iminwe kayilingani.Sikhumbule ukuthi abanye abantwana abenelisi ukubhadala ifees lokhu bazakukwanisa na, aluba uhulumende laye uyazama ukuthi azwe ukukhala kwethu.”

USikhwicamfundo Paul Mavima umphathintambo wezisebenzi zikahulimende ulandule ukuba ababalisi kabasebenzi nsuku zonke esithi ezikolo zonke kulababalisi abangaba yisilinganiso sokungamatshumi ayisitshiyagalolunye ekhulwini (90%) abahamba emsebenzini amalanga wonke. Uphinde wathi abaphathizikolo kumele babone ukuthi ababalisi bayafundisa emakilasini nsuku zonke.

Edabeni lwemali yokukhuthaza ababalisi ekhitshwa ngabazali uthe uhulumende kavumeli abazali ukuthi babhadale abazali. Uchaze ukuba ababalisi bafundisa ezikolo ezehlukeneyo, ezilabazali abaleminwe engalinganiyo kungakho uhulumende esithi abazali kabangaphi ababalisi imali yokubakhuthaza.

please wait

No media source currently available

0:00 0:04:17 0:00

Facebook Forum

XS
SM
MD
LG